லம்போ வெனினோ vs லாஃபெராரி vs மெக்லாரன் பி1 சூப்பர் கார்கள் ஒப்பீடு

விலை

லம்போ வெனினோ கார் 4.6 மில்லியன் டாலர் விலையிலும், லாஃபெராரி 1.5 மில்லியன் டாலர் விலையிலும், மெக்லாரன் பி1 கார் 1.3 மில்லியன் டாலர் விலையிலும் விற்பனை செய்யப்பட உள்ளன.

உந்துசக்தி

0-100 கிமீ வேகத்தை லம்போ வெனினோ 2.8 வினாடிகளிலும், லாஃபெராரி மற்றும் மெக்லாரன் பி1 கார்கள் 3.0 வினாடிகளிலும் எட்டிவிடும்.

எஞ்சின் ஆற்றல்

லம்போர்கினி வெனினோ காரில் பொருத்தப்பட்டிருக்கும் 6.5 லிட்டர் வி12 எஞ்சின் 750 எச்பி ஆற்றலை வெளிப்படுத்தும். லாஃபெராரி காரில் பொருத்தப்பட்டிருக்கும் 6.3 லிட்டர் வி12 பெட்ரோல் எஞ்சின் மற்றும் எலக்ட்ரிக் மோட்டார் இணைந்து அதிகபட்சம் 963 எச்பி ஆற்றலை வெளிப்படுத்தும். இதேபோன்று, மெக்லாரன் பி1 காரில் பொருத்தப்பட்டிருக்கும் 3.8 லிட்டர் வி8 டிவின் டர்போ எஞ்சின் 915 எச்பி ஆற்றலை வெளிப்படுத்தும்.

டாப் ஸ்பீடு

மணிக்கு லாஃபெராரி 350 கிமீ வேகத்தையும், வெனினோ 355 கிமீ வேகத்தையும், மெக்லாரன் பி1 350 கிமீ வேகத்தையும் எட்டிப் பிடிக்கும் ஆற்றல் கொண்டவை.

லிமிடேட் எடிசன்

இவை மூன்றுமே லிமிடேட் எடிசன் கார்கள். ஃபெராரி நிறுவனம் மொத்தம் 499 லாஃபெராரி சூப்பர் கார்களையும், மெக்லாரன் நிறுவனம் 375 பி1 கார்களையும், லம்போர்கினி வெறும் 3 வெனினோ கார்களையும் விற்பனை செய்ய உள்ளன.

எடை

லாஃபெராரி கார் 1100 கிலோ எடை கொண்டது. வெனினோ 1450 கிலோவும், மெக்லாரன் பி1 கார் 1395 கிலோ எடையையும் கொண்டது.