25 கி.மீ மைலேஜ் தரும் காரா இது? ஓட்டி பார்த்தா காஸ்ட்லி கார் மாதிரி தெரியுது! ரேட் ரொம்ப சீப் தான்!

மாருதி விக்டோரிஸ் கார் இந்தியாவில் அறிமுகமாகியுள்ளது. இதன் விலை ரூ. 10.5 லட்சத்தில் (எக்ஸ்-ஷோரூம்) தொடங்குகிறது. டாப் வேரியண்டான Z எக்ஸைட் பிளஸ் ஆப்ஷனல் ரூ. 17.7 லட்சத்தில் (எக்ஸ்-ஷோரூம்) விற்கப்படுகிறது. விக்டோரிஸ் காரில் மேம்பட்ட பாதுகாப்பு மற்றும் தொழிற்நுட்பத்திற்கு மாருதி முக்கியத்துவம் கொடுத்துள்ளது. இது இந்த பிரிவில் அதிக அம்சங்கள் கொண்ட எஸ்யூவி-களில் ஒன்றாக விளங்குகிறது. குறிப்பாக, அரேனா டீலர்ஷிப்களில் இருந்து லெவல் 2 ADAS (மேம்பட்ட ஓட்டுநர் உதவி அமைப்புகள்) செப்டப்பை வழங்கும் முதல் மாருதி கார் இதுவாகும்.

விக்டோரிஸ், கார் கிராண்ட் விட்டாராவின் தளத்தை அடிப்படையாகக் கொண்டது, ஆனால் புதிய பாடிஷெல், தனித்துவமான வடிவமைப்பு விவரங்கள் மற்றும் நீண்ட உபகரண பட்டியலை கொண்டுள்ளது. பெட்ரோல், CNG, மைல்டு ஹைப்ரிட் மற்றும் ஸ்டிராங்க் ஹைப்ரிட் ஆப்ஷன்கள் உட்பட பல வேரியண்ட்களில் இது வருகிறது. மாருதி விக்டோரிஸ் காரை நாங்கள் ஓட்டிப் பார்த்தோம், சாலையில் இதன் செயல்பாடு இங்கே கொடுக்கப்பட்டுள்ளது.

மாருதியின் அரேனா டீலர்ஷிப்கள் மூலம் விக்டோரிஸ் கார் விற்பனை செய்யப்படுகிறது.இதற்கு முன்பு இந்த டீலர்ஷிப்களில் டாப் மாடல் எதுவும் இல்லை. இந்த புதிய எஸ்யூவி பிரீமியம் அம்சங்களை வழங்குகிறது. இது பிராண்டின் அரேனா, நெட்வொர்க்கிற்கு ஒரு புதிய தரத்தை அமைக்கிறது. LXI, V எக்ஸைட், எக்ஸைட், எக்ஸைட் பிளஸ், எக்ஸைட் பிளஸ் ஆப்ஷனல் மற்றும் எக்ஸைட் வேரியண்ட்டை அடிப்படையாகக் கொண்ட ஒரு ஸ்டிராங்க் ஹைப்ரிட் எடிசன் உட்பட பல வேரியண்ட்களில் இது கிடைக்கிறது.

அதன் அதிக அளவிலான வேரியண்ட்கள் மற்றும் போட்டி விலையுடன், விக்டோரிஸ் கார் ஒரு பாதுகாப்பான, வசதியான மற்றும் அதிக அம்சங்கள் கொண்ட எஸ்யூவியை தேடும் குடும்பத்தினரை கவர முயற்சிக்கிறது. இதன் வடிவமைப்பு, உட்புற கட்டமைப்பு, அம்சங்கள் மற்றும் டிரைவிங் அனுபவத்தை விரிவாக ஆராய்வோம்.

{video1}

மாருதி விட்டாராஸ் ஒரு போல்டான, நவீன வெளிப்புற வடிவமைப்பைக் கொண்டுள்ளது. முன்புறத்தில், கிரில்லைச் சுற்றி பிரஷ் செய்யப்பட்ட அலுமினியம் ஃபினிஷ் உள்ளது. இது LED DRLகள் மற்றும் கார்னரிங் லைட்டுகளுடன் கூடிய இரு செயல்பாட்டு புரோஜெக்டர் ஹெட்லைட் உடன் உள்ளது. முன் பகுதியில் லெவல் 2 ADAS செட்டப்பிற்கான ரேடார் ஹார்டுவேர் மற்றும் 360 டிகிரி கேமரா செட்டப்பையும் கொண்டுள்ளது.

பக்கவாட்டில், 17 இன்ச் டுயல் டோன் டைமண்ட் கட் அலாய் வீல்களையும், பாடி கிளாடிங்கையும் கொண்டுள்ளது. கிரவுண்ட் கிளியரன்ஸ் 210 மிமீ ஆகும், இது இந்திய சாலைகளுக்கு ஏற்றது. ரூஃப் ரெயில்கள் மற்றும் பெரிய பனோரமிக் சன்ரூஃப் ஆகியவை இதன் பிரீமியம் தோற்றத்தை சேர்க்கின்றன. சன்ரூஃப் 70% வரை திறப்பை வழங்குகிறது. இது பிரகாசமான மற்றும் காற்றோட்டமான கேபினை வழங்குகிறது.

பின்புறத்தில், விக்டோரிஸ் பெரிய எஸ்யூவி கார்களில் இருநுஅது ஈர்க்கப்பட்ட LED டெயில் லைட்டுகளையும், பவர் டெயில்கேட் போன்ற பிரிவில் முதல் அம்சங்களையும் பெறுகிறது. பூட் பகுதியில் 273 லிட்டர் இடவசதி உள்ளது, ஐந்து பேருக்கு தேவையான பொருட்களை வைப்பதற்கு போதுமான இடவசதி உள்ளது. 12V சார்ஜிங் சாக்கெட் மற்றும் பூட் பகுதியில் சப்வூஃபர் ஆகியவை கூடுதல் சிறப்பம்சங்களாகும்.

விக்டோரிஸ் காரின் கேபின் டுயல் டோன் அப்ஹோல்ஸ்டரியில் ஃபினிஷ் செய்யப்பட்டுள்ளது. இதில் சாஃப்ட் டச் பொருட்கள் மற்றும் பியானோ பிளாக் உச்சரிப்புகள் உள்ளன. பின்புற இருக்கைகளில் மூன்று அட்ஜெஸ்ட் செய்க்கூடிய ஹெட்ரெஸ்ட்கள், கப் ஹோல்டர்களுடன் கூடிய ஆர்ம்ரெஸ்ட், பின்புற ஏசி வென்ட்கள் மற்றும் இரண்டு அதிவேக சார்ஜிங் டைப்-சி யூஎஸ்பி போர்ட்கள் உள்ளன. பெரிய பாட்டில் ஹோல்டர்கள் மற்றும் சீட் பேக் பாக்கெட்டுகள் உட்பட ஏராளமான ஸ்டோரேஜ் வசதிகள் உள்ளன.

பனோரமிக் சன்ரூஃப் இரண்டு வரிசைகளிலும் நீண்டுள்ளது, இது உட்புறத்தை விசாலமாக உணர வைக்கிறது. இருப்பினும், உயரமான பயணிகள் சன்ரூஃபின் வடிவமைப்பு காரணமாக தலை இடவசதி குறைவாக இருப்பதைக் காணலாம். பூட் பிராக்கடிலுக்கு ஏற்றது, எளிதாக அணுகுவதற்கு பவர் டெயில்கேட் மற்றும் வசதிக்காக பூட் லைட் உள்ளது.

முன்புறத்தில், எஸ்யூவி வென்டிலேட்டட் சீட்டுகள், 8 ஸ்பீக்கர்களுடன் கூடிய இன்பினிட்டி பை ஹர்மன் சவுண்ட் சிஸ்டம் (சப்வூஃபர் உட்பட), மற்றும் 64கலர் ஆப்ஷன்களுடன் கூடிய ஆம்பியன்ஸ் லைட்டுகளை கொண்டுள்ளது. இன்ஃபோடெயின்மென்ட் சிஸ்டம் புதியது மற்றும் வயர்லெஸ் சார்ஜிங்கை சப்போர்ட் செய்கிறது. . சென்டர் கன்சோலில் சீட் வென்டிலேஷன் மற்றும் ஆட்டோ ஹோல்டுடன் கூடிய எலெக்ட்ரானிக் பார்க்கிங் பிரேக் ஆகியவற்றைக் கட்டுப்படுத்தும் கண்ட்ரோல் வசதி உள்ளது.

டிரைவர் உதவியாளர்களில் முழு டிஜிட்டல் இன்ஸ்ட்ரூமென்ட் கிளஸ்டர், ஹெட்ஸ்-அப் டிஸ்ப்ளே மற்றும் டில்ட் மற்றும் டெலஸ்கோபிக் அட்ஜெஸ்ட்மென்ட் கொண்ட மல்டி-ஃபங்க்ஷன் ஸ்டீயரிங் வீல் ஆகியவை உள்ளன. லேன் கீப் அசிஸ்ட், டிராக்ஷன் கண்ட்ரோல், 360 டிகிரி கேமரா மற்றும் பவர் டெயில்கேட் செயல்பாட்டிற்கான பிரத்யேக கண்ட்ரோல்கள் உள்ளன.

வசதிக்கான அம்சங்களில் ஆட்டோ-டிம்மிங் IRVM, சன் கிளாஸ் ஹோல்டர், இரண்டு முன் பயணிகளுக்கும் லைட்களுடன் கூடிய வானிட்டி மிரர்கள் மற்றும் வயர்லெஸ் போன் சார்ஜர் ஆகியவை உள்ளன. கார் கேபினில் மெமரி ஃபோர்ம் உடன்பிரீமியம் உணர்வை தரும் சீட்கள் வழங்கப்பட்டுள்ளன.

மாருதி விக்டோரிஸ் காரில் 1.5 லிட்டர் பெட்ரோல் இன்ஜின் உள்ளது. இது 6-ஸ்பீடு டார்க் கன்வெர்ட்டர் ஆட்டோமேட்டிக் அல்லது மேனுவல் கியர்பாக்ஸுடன் இணைக்கப்பட்டுள்ளது. பெட்ரோல் இன்ஜின் 101 bhp பவரையும், 139 Nm டார்க் திறனையும் உருவாக்குகிறது. ஸ்டிராங்க் ஹைப்ரிட் வேரியண்ட்டில் 1.5 லிட்டர், 3 சிலிண்டர் இன்ஜின் பயன்படுத்தப்படுகிறது. இது சுமார் 99 bhp பவர் மற்றும் 120-130 Nm டார்க் திறனை வழங்குகிறது.

இந்த காரில் மைலேஜ் திறன் ஒரு முக்கிய அம்சமாகும். ஸ்டிராங்க் ஹைப்ரிட் வேரியண்டில் 24-25 கிமீ/லி மைலேஜ் கிடைக்கும் என்று கூறப்படுகிறது. அதே நேரத்தில் சாதாரண பெட்ரோல் சிட்டி டிரைவிங்கில் 18-20 கிமீ/லி தரும் என எதிர்பார்க்கப்படுகிறது. விக்டோரிஸ் கார், கிராண்ட் விட்டாராவை விட சற்று இலகுவானது, ஏனெனில் இதில் அலுமினியம் மற்றும் உயர் வலிமை கொண்ட எஃகு பயன்படுத்தப்பட்டுள்ளது.

சாலையில், விக்டோரிஸ் கார் கிளீனாவும், குயட்டாகவும் இருக்கிறது. சஸ்பென்ஷன் பள்ள மேடுகளை நன்றாகக் கையாளுகிறது, மேலும் ஸ்டீயரிங் நல்ல ரெஸ்பான்ஸை வழங்குகிறது. லெவல் 2 ADAS செட்டப்பில் லேன் கீப் அசிஸ்ட் மற்றும் முன் மோதல் வார்னிங் ஆகியவை அடங்கும், இது கூடுதல் பாதுகாப்பை சேர்க்கிறது.

360 டிகிரி கேமரா தெளிவாக உள்ளது மற்றும் பார்க்கிங் மற்றும் இறுக்கமான பகுதிகளில் வாகனங்களை திருப்ப உதவுகிறது. மேனுவல் மற்றும் ஆட்டோமேட்டிக் ஆகிய இரண்டிலும் ரேஸிங் சீராக உள்ளது, மேலும் கேபின் அதிக வேகத்தில் கூட அமைதியாகவே உள்ளது. பனோரமிக் சன்ரூஃப் மற்றும் பெரிய ஜன்னல்கள் அனைத்து பயணிகளுக்கும் சிறந்த விசிபிளிட்டியை வழங்குகின்றன.

மாருதி விக்டோரிஸ் ஒரு நன்கு பொருத்தப்பட்ட, பாதுகாப்பான மற்றும் வசதியான எஸ்யூவி-யாக தனித்து நிற்கிறது. 6 ஏர்பேக்குகள், லெவல் 2 ADAS மற்றும் ஐந்து ஸ்டார் பாதுகாப்பு மதிப்பீடு போன்ற அம்சங்களுடன், இது பயணிகள் பாதுகாப்பிற்கு முன்னுரிமை அளிக்கிறது. ஸ்டிராங்க் ஹைப்ரிட் மற்றும் CNG உள்ளிட்ட பல்வேறு இன்ஜின் விருப்பங்கள் வெவ்வேறு தேவைகளைப் பூர்த்தி செய்கின்றன.

இதன் விலை, அம்சங்களின் பட்டியல் மற்றும் பாதுகாப்பு சான்றுகள் ஆகியவற்றைக் கருத்தில் கொண்டால், விக்டோரிஸ் கார் மிட்சைஸ் எஸ்யூவி பிரிவில் ஒரு வலுவான போட்டியாளராக உள்ளது. நவீன, நம்பகமான வாகனத்தைத் தேடும் குடும்பங்களுக்கு இது ஒரு சிறந்த தேர்வாகும்.