92% வளர்ச்சி கண்ட அதுல் ஆட்டோ லிமிட்டெட்

நாட்டின் முன்னணி 3 வீலர் உற்பத்தியாளரும், டீசல் என்ஜின் தயாரிப்பில் முன்னணியில் இருப்பதும், சிஎன்ஜி 3 வீலர் தயாரிப்பில் முன்னிலையில் உள்ள நிறுவனமுமான அதுல் ஆட்டோ லிமிட்டெட் நிறுவனம் 3 வீலர் விற்பனையில் பெரும் வளர்ச்சி கண்டுள்ளது. ஆகஸ்ட் மாதத்தில் இதன் விற்பனை வளர்ச்சி 92 சதவீதத்தை எட்டி சாதனை படைத்துள்ளது.

கடந்த 2001ம் ஆண்டு ஆகஸ்ட் மாதம் 901 யூனிட்டுகளை அது விற்றிருந்தது. இந்த ஆண்டு ஆகஸ்ட் மாதம் அதன் விற்பனை அளவு 1728 யூனிட்டுகளாகும்.

24,000 3 வீலர்களை தயாரிக்கும் திறன் கொண்டுள்ள அதுல் நிறுவனம், இதை இரட்டிப்பாக்கும் வகையில் நடவடிக்கைகளை முடுக்கி விட்டுள்ளது. மொத்தம் பத்து மாநிலங்களில் இது தனது பிசினஸை விரிவுபடுத்தி நடத்தி வருகிறது. வருங்காலத்தில் மேலும் 8 மாநிலங்களை தனது விற்பனை வளையத்தில் கொண்டு வர அதுல் திட்டமிட்டுள்ளது.