ரூ. 48.37 லட்சத்திற்கு இந்தியாவில் விற்பனைக்கு வரும் ஜாகுவார் எக்ஸ்எப் டீசல்

இதன் டெல்லி எக்ஸ் ஷோரூம் விலை ரூ. 48.37 லட்சமாகும். இது டீசல் காராகும்.

3 லிட்டர் வி6 சிலிண்டருடன் கூடிய இந்த கார், முற்றிலும் இங்கிலாந்திலேயே தயாரிக்கப்பட்ட நிலையில் இந்தியாவில் விற்பனை செய்யப்படும்.

6 விதமான வேகத்தில் செல்லும் இந்தக் கார் 6.4 விநாடிகளில் அதிகபட்சம் 100 கிலோமீட்டர் வேகம்வரை செல்ல முடியும்.

எக்ஸ்எப்-பின் பெட்ரோல் கார்களுக்குக் கிடைத்த வரவேற்பைத் தொடர்ந்து தற்போது டீசல் காரை களம் இறக்குகிறது ஜாகுவார். தற்போது 60 கார்களுக்கு முன்பதிவு வந்துள்ளதாம்.

கடந்த ஆண்டுதான் தனது பெட்ரோல் காரை ஜாகுவார் இந்தியாவில் அறிமுகப்படுத்தியது என்பது நினைவிருக்கலாம்.

தற்போது இந்தியாவில் ஜாகுவாருக்கு 3 டீலர்களே உள்ளனர். விரைவில் பத்து புதிய ஷோரூம்களை திறக்க அது திட்டமிட்டுள்ளது.