புதிய செவர்லே ஸ்பார்க் அறிமுகம்: படங்களுடன் விபரங்கள்

புதிய ஃபிரேம்

முன்பைவிட 51 சதவீதம் கூடுதல் உறுதியுடன் கூடிய புதிய ஃபிரேமுடன் கட்டுறுதி மிக்கதாக புதிய ஸ்பார்க் வடிவமைக்கப்பட்டுள்ளது. புதிய ஸ்பார்க் 6 வண்ணங்களில் கிடைக்கும்.

முகப்பு

கிளியர் கிளாஸ் ஹெட்லைட், புதிய முன்பக்க கிரில் ஆகியவை புதிய ஸ்பார்க்கின் கவர்ச்சியை கூட்டுகிறது.

மைலேஜ்

லிட்டருக்கு 18.0 கிமீ மைலேஜ் தரும் என சான்றளிக்கிறது. மணிக்கு அதிகபட்சம் 156 கிமீ வேகம் வரை செல்லும்.

ஹெட்லைட்

கிளியர் கிளாஸ் ஹெட்லைட்டுகள் அதிக பிரகாசத்தையும் வழங்குவதோடு பார்வைக்கும் கவர்ந்திழுக்கும் வகையில் இருக்கிறது.

ரூஃப் ரெயில்

சில்வர் பினிஷிங் கொண்ட புதிய ரூஃப் ரெயில்கள் கூடுதல் கவர்ச்சி தருகிறது. எஞ்சினை பொறுத்தவரையில் மாற்றமில்லை. 63 பிஎச்பி ஆற்றலை வெளிப்படுத்தும் 1.0 லிட்டர் பெட்ரோல் எஞ்சின் பொருத்தப்பட்டிருக்கிறது.

டேஞ்சர் லைட்

குரோம் பினிஷிங்குடன் கூடுதல் பொலிவு பெற்றுள்ள டேஞ்சர் லைட்டுகள் பின்புற வாகன ஓட்டிகளுக்கு துல்லியமாக எச்சரிக்கும் வகையில் இருக்கும்.

இரட்டை வண்ண இன்டிரியர்

இரட்டை வண்ண கலவையுடன் கூடிய இன்டிரியர் புதிய ஸ்பார்க் உட்புறத்தின் அந்தஸ்தை கூட்டுவதோடு கண்களுக்கும் இதமளிக்கிறது.

சென்ட்ரல் கன்சோல்

குரோம் பினிஷிங்குடன் கூடிய சென்ட்ரல் கன்சோலில் 2 டின் மியூசிக் சிஸ்டம், ஏசி வென்ட்டுகளுடன் உச்சியில் ஸ்பீடோமீட்டர் இடம்பெற்றுள்ளது.

விலை விபரம்

சிறகுகளை விரித்தது போன்ற வடிவமைப்புடன் கவர்ச்சியான அம்சங்களுடன் புதிய ஸ்பீடோமீட்டர் பொருத்தியிருக்கிறது செவர்லே. ரூ.3.16 லட்சம் ஆரம்ப விலையில் பெட்ரோல் மாடலும், ரூ.3.71 லட்சம் ஆரம்ப விலையில் எல்பிஜி மாடலும் கிடைக்கும் என தெரிவிக்கப்பட்டிருக்கிறது.