7 சீட்டர் ஈக்கோஸ்போர்ட்டை அறிமுகப்படுத்த ஃபோர்டு திட்டம்

அடுத்த மாதம் ஈக்கோஸ்போர்ட் மினி எஸ்யூவியை ஃபோர்டு அறிமுகப்படுத்த உள்ளது. பெரும் எதிர்பார்ப்பை கிளப்பியிருக்கும் இந்த மாடல் பிரேசில் மார்க்கெட்டில் விற்பனை செய்யப்பட்டு வருகிறது.

இந்த நிலையில், 5 பேர் பயணம் செய்யும் வசதிகொண்ட ஈக்கோஸ்போர்ட் அடுத்த மாதம் இந்திய மார்க்கெட்டில் அறிமுகமாக உள்ளது. வரிச்சலுகை பெறும் விதத்தில் இந்தியாவில் அறிமுகமாகும் ஈக்கோஸ்போர்ட் எஸ்யூவியை 4 மீட்டருக்கும் குறைவாக சுருக்கியிருக்கிறது ஃபோர்டு.

ஆனாலும், ஈக்கோஸ்போர்ட்டின் நேரடி போட்டியாளர்களான ரெனோ டஸ்ட்டர், மஹிந்திரா குவான்ட்டோ உள்ளிட்ட கார்கள் 7 சீட்டர் மாடல்களில் கிடைப்பதால் ஈக்கோஸ்போர்ட்டுக்கு நெருக்கடி இருக்கிறது. இதனை தவிர்க்க ஈக்கோஸ்போர்ட்டின் 7 சீட்டர் மாடலையும் அறிமுகப்படுத்த ஃபோர்டு திட்டமிட்டுள்ளது.

இந்த 7 சீட்டர் மாடல் 4.34 மீட்டர் நீளம் கொண்டதாக இருக்கும் என்பதோடு, வரிச்சலுகை கிடைக்காது என்பதால் 5 சீட்டர் மாடலைவிட விலையிலும் அதிமாக இருக்கும். ஆனால், இதுகுறித்து ஃபோர்டு இதுவரை உறுதிப்படுத்தவில்லை.