ரூ.5.74 லட்சத்தில் ஆட்டமேட்டிக் ஹோண்டா பிரியோ அறிமுகம்

88பிஎஸ் பவரை வெளிப்படுத்தும் 1.2 லிட்டர் பெட்ரோல் எஞ்சின் பொருத்தப்பட்டிருக்கும் பிரியோவில் தற்போது ஆட்டோமேட்டிக் கியர்பாக்ஸ் கொண்ட மாடலையும் ஹோண்டா அறிமுகம் செய்துள்ளது.

எஸ்(ஓ) மற்றும் வி ஆகிய 2 வேரியண்ட்களில் புதிய ஆட்டோமேட்டிக் பிரியோ கிடைக்கும். எஸ்(ஓ)வேரியண்ட் ரூ.5.74 லட்சம் விலையிலும், வி வேரியண்ட் ரூ.5.99 லட்சம் டெல்லி எக்ஸ்ஷோரூம் விலையிலும் விற்பனைக்கு வந்துள்ளது.

மார்க்கெட்டில் தற்போது மாருதி ஏ ஸ்டார் மற்றும் ஹூண்டாய் ஐ10 கார்கள் மட்டும் குறைந்த விலை ஆட்டோமேட்டிக் கியர் பாக்ஸ் கொண்ட கார்களாக இருக்கின்றன. அந்த வரிசையில் தற்போது பிரியோவும் இணைந்துள்ளது.

ஸ்டீயரிங் வீலுக்கு கீழே பேடில் ஷிப்ட் கொடுக்கப்படவில்லை. டி1, டி2 மற்றும் டி3 ஆகிய 3 டிரைவிங் மோட் கொண்டதாக இருக்கிறது. மேனுவல் பெட்ரோல் மாடலைவிட ரூ.60,000 கூடுதல் விலையில் ஆட்டோமேட்டிக் பிரியோ கிடைக்கும்.