ரூ.13.75 லட்சத்தில் புதிய செவர்லே க்ரூஸ் விற்பனைக்கு வந்தது

தோற்றத்தில் மாற்றம்

முகப்பு கிரில், பனி விளக்கு அறையின் டிசைன்கள் மாற்றங்களை சந்தித்துள்ளது.

புதிய அலாய் வீல்கள்

புதிய க்ரூஸ் காருக்கு கூடுதல் கம்பீரத்தை தரும் வகையில், புதிய டிசைன் கொண்ட அலாய் வீல்கள் பொருத்தப்பட்டுள்ளன.

இன்டிரியர்

இன்டிரியரில் எந்த மாற்றங்களும் செய்யப்படவில்லை. இருப்பினும், போதிய வசதிகளை கொண்டிருப்பதுடன் டாப் வேரியண்ட்டில் 4 ஏர்பேக்குகளுடன் வந்துள்ளது கூடுதல் பாதுகாப்பு அம்சமாக கூறலாம்.

எஞ்சின்

டி செக்மென்ட் செடான் கார்களில் அதிக பவர் கொண்டதாக க்ரூஸ் விளங்குகிறது. எஞ்சினில் மாற்றம் இல்லை. முந்தைய மாடலில் பொருத்தப்பட்டிருந்த அதே 2.0 லிட்டர் டீசல் எஞ்சின்தான் இந்த காரிலும் பொருத்தப்பட்டுள்ளது. இந்த எஞ்சின் 168 பிஎஸ் சக்தியையும், 380 என்எம் டார்க்கையும் அளிக்கும். 6 ஸ்பீடு மேனுவல் மற்றும் 6 ஸ்பீடு ஆட்டோமேட்டிக் டிரான்ஸ்மிஷன் பொருத்தப்பட்ட மாடல்களில் மேம்படுத்தப்பட்ட க்ரூஸ் கிடைக்கும்.

மைலேஜ்

மேனுவல் டிரான்ஸ்மிஷன் கொண்ட க்ரூஸ் லிட்டருக்கு 17.3 கிமீ மைலேஜ் தரும் என அராய் சான்றளித்துள்ளது.

விலை

எல்டி பேஸ் வேரியண்ட் ரூ.13.75 லட்சத்திலும், எல்டிஇசட் டாப் வேரியண்ட் ரூ.15.25 லட்சத்திலும் கிடைக்கும். ஆட்டோமேட்டிக் டிரான்ஸ்மிஷன் மாடல் ரூ.16.15 லட்சம் விலை நிர்ணயிக்கப்பட்டுள்ளது.