படு அசத்தலாக வரும் புதிய ஹோண்டா ஜாஸ்: படங்கள் வெளியீடு

டிசைன்

புதிய ஜாஸ் டிசைன் அனைத்து தரப்பினரையும் கவரும் வகையில் மிக கவர்ச்சியாக டிசைன் செய்யப்பட்டுள்ளது. முகப்பு முற்றிலும் மாற்றப்பட்டு கவர்ச்சி ததும்புகிறது. பின்புற டெயில்லைட்டுகள் சிஆர்வியை நினைவூட்டுகிறது. மொத்தத்தில் பழைய காரை நினைவூட்டாமல் புத்தம் புது டிசைனாக தெரிகிறது.

டீசல் எஞ்சின்

ஜாஸ் விற்பனையில் சோபிக்காமல் போனதற்கு டீசல் எஞ்சின் இல்லாததும் முக்கிய காரணம். ஆனால், புதிய ஜாஸ் கார் 1.5லி டீசல் எஞ்சினுடன் வருகிறது.

ஹைபிரிட் மாடல்

இந்த கார் ஹோண்டாவின் தாயகமான ஜப்பானில் ஹைபிரிட் மாடலிலும் வருகிறது. மேலும், முந்தைய மாடலைவிட 35 சதவீதம் கூடுதல் எரிபொருள் சிக்கனத்தை வழங்கும் என்பதால், விற்பனைக்கு வரும்போது ஜப்பான் மார்க்கெட்டின் அதிக எரிபொருள் சிக்கனம் தரும் ஹைபிரிட் கார் என்ற பெருமையை பெறும்.

இடவசதி

எம்பிவி கார் போன்ற தோற்றத்தை கொண்டிருக்கும் இந்த கார் பிற மாடல்களைவிட அதிக இடவசதி கொண்ட காராக இருக்கும் என்பதில் சந்தேகமில்லை.

உற்பத்தி

இந்தியாவில் அறிமுகப்படுத்த இருக்கும் புதிய ஜாஸ் கார் ராஜஸ்தானில் இருக்கும் தபுகெரா ஆலையில் உற்பத்தி செய்யப்பட உள்ளது.

உற்பத்தி

இந்தியாவில் அறிமுகப்படுத்த இருக்கும் புதிய ஜாஸ் கார் ராஜஸ்தானில் இருக்கும் தபுகெரா ஆலையில் உற்பத்தி செய்யப்பட உள்ளது.

விலை

பிரியோ, அமேஸ் காருக்கு இடையில் நிலைநிறுத்தப்பட உள்ளது. டிசையரை மையமாக வைத்து அமேஸுக்கு விலை நிர்ணயித்தது போன்று, ஸ்விப்ட் காரை அடிப்படையாகக் கொண்டு புதிய ஜாஸ் விலை நிர்ணயிக்கப்படும்.

தாய்லாந்து பார்ட்ஸ்

இந்த காருக்கு தாய்லாந்தில் இருந்து உதிரிபாகங்கள் இறக்குமதி செய்யப்பட உள்ளன.

ஹோண்டா நம்பிக்கை

புத்தம் புதிய டிசைன், டீசல் எஞ்சின், சரியான விலை உள்ளிட்டவை மூலம் புதிய ஜாஸ் கார் இந்திய வாடிக்கையாளர்களை வெகுவாக கவரும் என்று ஹோண்டா நம்பிக்கை வைத்திருக்கிறது.