பிராங்க்ஃபர்ட்டில் ஆடியின் முதல் எம்பிவி கார் அறிமுகம்?

செடான் அடிப்படையில்...

ஃபோக்ஸ்வேகனின் எம்க்யூபி பிளாட்பார்மில் ஏ3 செடான் காரின் டிசைன் தாத்பரியத்திலேயே இந்த கார் வடிவமைக்கப்படுகிறது. 4.5 மீட்டர் நீளம் கொண்டதாக இருக்கும். இந்த கார் வி4 என்ற பெயரில் வரும் என்று தெரிகிறது.

இருக்கை வசதி

இந்த கார் 7 சீட்டர் மற்றும் 5 சீட்டர் மாடல்களில் வரும் என்று தகவல்கள் தெரிவிக்கின்றன.

எஞ்சின்

இந்த புதிய எம்பிவி பெட்ரோல் மற்றும் டீசலில் வர இருக்கிறது. இந்த புதிய எம்பிவியில் 180 பிஎச்பி ஆற்றலை வெளிப்படுத்தும் 1.8 லிட்டர் பெட்ரோல் எஞ்சின் மற்றும் 222 எச்பி ஆற்றலை வெளிப்படுத்தும் 2.0 லிட்டர் எஞ்சினுடன் வர இருக்கிறது. இதுதவிர, ஹைபிரிட் மாடலும் வர இருக்கிறது.

ஹைபிரிட் மாடல்

ஹைபிரிட் மாடலில் 1.4 லிட்டர் பெட்ரோல் எஞ்சின் மற்றும் 107 பிஎச்பி ஆற்றலை வெளிப்படுத்தும் எலக்ட்ரிக் மோட்டாரும் பொருத்தப்பட்டிருக்கும்.

விற்பனைக்கு...

வரும் 2016ம் ஆண்டில் ஆடியின் புதிய எம்பிவி மார்க்கெட்டுக்கு வந்துவிடும் என தகவல்கள் தெரிவிக்கின்றன.