குறைவான விலையில் புதிய என்ட்ரி லெவல் கார்: பென்ட்லீ பரிசீலனை

புதிய செக்மென்ட்

புதிய என்ட்ரி லெவல் பென்ட்லீ கார் 4 கதவுகள் கொண்ட கூபே மாடலாக இருக்கும். முல்சான் மற்றும் கான்டினென்டல் ஜிடி கார்களுக்கு கீழே நிலைநிறுத்தப்படும் என்று தெரிகிறது.

தயாரிப்பு நிலை

2018ம் ஆண்டில் இந்த புதிய கார் தயாரிப்பு நிலையை எட்டும் என்று தகவல்கள் தெரிவிக்கின்றன. ஆண்டுக்கு 5,000 முதல் 6,000 கார்கள் விற்பனை இலக்குடன் அறிமுகம் செய்யப்படும்.

பிளாட்ஃபார்ம்

ஆடி டி5 பிளாட்ஃபார்ம் மற்றும் போர்ஷே எம்எஸ்பி பிளாட்ஃபார்ம் ஆகிய இரண்டில் ஒன்றில் இந்த புதிய காரை வடிவமைப்பது குறித்து விவாதிக்கப்பட்டுள்ளது. அதில், போர்ஷே எம்எஸ்பி பிளாட்ஃபார்மில் வடிவமைப்பது சிறப்பாக இருக்கும் என பென்ட்லீ டிசைன் பிரிவு நிபுணர்கள் கருத்து தெரிவித்ததாக செய்திகள் தெரிவிக்கின்றன.

விலை

இந்த புதிய என்ட்ரி லெவல் பென்ட்லீ கார் ஒரு கோடி விலை கொண்டதாக இருக்கும் என தகவல்கள் தெரிவிக்கின்றன.

போட்டியாளர்கள்

பிஎம்டபிள்யூ எ6 கிரான் கூபே மற்றும் மெர்சிடிஸ் பென்ஸ் சிஎல்எஸ் 63 ஏஎம்ஜி கார்களுக்கு போட்டியை தரும் வகையில் இருக்கும்.