வாடிக்கையாளர்களுக்கு திருப்தியான சேவையில் பிஎம்டபிள்யூவுக்கு முதலிடம்!!

வாடிக்கையாளர்களுக்கு திருப்தியான சேவை வழங்குவதில் பிஎம்டபிள்யூ முன்னிலை வகிப்பதாக ஜேடி பவர் ஏசியா பசிபிக் ஆய்வு முடிவு தெரிவிக்கிறது.

வாடிக்கையாளர்களுக்கு நிறைவான சேவை வழங்கும் சொகுசு கார் நிறுவனம் குறித்து ஜேடி பவர் நிறுவனம் ஆய்வு நடத்தியது. கடந்த 2011ம் ஆண்டு மே மாதம் முதல் 2012ம் ஆண்டு ஆகஸ்ட் வரை கார் வாங்கிய 238 வாடிக்கையாளர்களிடம் இந்த ஆய்வு மேற்கொள்ளப்பட்டது.

சர்வீஸ் தரம், வாகனத்தை வந்து எடுத்து செல்வது, சர்வீஸ் பற்றிய அறிவுரை, சர்வீஸ் மையத்தின் வசதிகள் உள்ளிட்ட பல அம்சங்களை 1000 புள்ளிகளை அடிப்படையாகக் கொண்டு ஆய்வு நடத்தப்பட்டது.

இதில், 892 புள்ளிகளை பெற்று பிஎம்டபிள்யூ முதலிடம் பிடித்தது. ஆடி நிறுவனம் 868 புள்ளிகளுடன் இரண்டாவது இடத்தையும், மெர்சிடிஸ் பென்ஸ் 858 புள்ளிகளுடன் மூன்றாவது இடத்தையும் பெற்றதாக தெரிவிக்கப்பட்டுள்ளது.