டிசி கைவண்ணத்தில் உருவான ஹூண்டாய் எலன்ட்ரா

முகப்பு மாற்றம்

அசத்தலான முகப்பு கிரில், கூடுதல் ஏர்டேக், கிரில் நடுப்பகுதியில் டிசி லோகோ, பனி விளக்குகள் ஆகியவற்றுடன் கருப்பு வண்ணத்தில் சிவப்பு கோடுகள் இழையோடுகின்றன.

எக்ஸ்டீரியர்

வெளிப்புறத்தில் கருப்பு ஆதிக்கத்தை அடக்கும் விதமாக சிறிய சிவப்பு கோடுகளும் வளையங்களும் கொட்டமிடுகின்றன.

டூயல் டோன் இன்டிரியர்

கதவை திறந்து உள்ளே நுழைந்தால் இது என் ஏரியா என்கிறது சிவப்பு நிற இன்டிரியர். இருக்கைகள், டேஷ்போர்டு, ஸ்டீயரிங் வீல், கதவுகள் என அனைத்திலும் சிவப்பு நிறத்தில் சிலிர்க்க வைக்கிறது. போனா போகிறது என்று கருப்பு நிறத்துக்கும் ஆங்காங்கே முக்கியத்துவம் தெரிகிறது.

பின் இருக்கை

நிசான் சன்னி உள்ளிட்ட கார்களில் பார்த்தது போன்றே லெதர் இருக்கைகளை கொண்டிருக்கின்றன. ஆனால், சாய்மானம் வசதி கொண்ட இருக்கைகள் இல்லாவிட்டாலும், சொகுசாக இருக்கும் வகையில் வடிவமைத்துள்ளது டிசி.

சில் பிளேட்

ரப்பரால் ஆனது போன்ற சில் பிளேட்டுகள்.

மல்டி ஸ்போக் அலாய் வீல்

இந்த காரில் மல்டி ஸ்போக் அலாய் வீல் பொருத்தப்பட்டிருப்பது பிரத்யேக அம்சமாக கூறலாம். நடுவில் டிசி லோகோவும் இடம்பெற்றுள்ளது.

மேட் பினிஷ்

மேட் பினிஷ் செய்யப்பட்டிருப்பதால் காரின் தோற்றத்திற்கு கூடுதல் வலு சேர்த்துள்ளது.

கூடுதல் வசதி?

பிற கார்களின் இன்டிரியரில் கூடுதல் வசதிகள் கொண்டதாக டிசி மாற்றியிருக்கும். ஆனால், இந்த காரில் இன்டிரியரில் வண்ணத்தை மட்டுமே மாற்றியுள்ளது.

பக்கெட் இருக்கை

முன்புற இருக்கைகள் சொகுசான பயணத்தை வழங்கும் வகையில் வடிவமைக்கப்பட்டுள்ளது.

பின்புற தோற்றம்

பின்புறத்தில் பம்பரில் மட்டுமே அதிக மாற்றங்களை செய்துள்ளது டிசி. இரட்டை புகைபோக்கிகள், ஹனிகோம்ப் கிரில் என பின்புறத்திலும் தனது கைவண்ணத்தை காட்டியிருக்கிறது.