டெல்லி ஆட்டோ எக்ஸ்போவில் ஷோ காட்டப் போகும் புன்ட்டோ அபார்த்!

Updated: Tuesday, October 29, 2013, 17:18 [IST]

அடுத்த ஆண்டு பிப்ரவரியில் நடைபெற இருக்கும் டெல்லி சர்வதேச ஆட்டோமொபைல் கண்காட்சியில் ஃபியட் புன்ட்டோ அபார்த் கார் பார்வைக்கு வைக்கப்பட உள்ளதாக தகவல்கள் தெரிவிக்கின்றன. கோவை உள்ளிட்ட இடங்களில் வைத்து 2 டோர் புன்ட்டோ அபார்த் கார் ஏற்கனவே சோதனைகள் நடத்தப்பட்டுள்ளன.

இந்த நிலையில், 4 கதவுகள் கொண்ட புன்ட்டோ அபார்த் காரை டெல்லி ஆட்டோ எக்ஸ்போவில் ஃபியட் காட்சி படுத்த உள்ளதாம். ஜீப் பிராண்டு கார்களுடன் இந்த காரையும் காட்சிக்கு வைக்கப்பட உள்ளதாக தகவல்கள் கூறுகின்றன. அதிக பவர்ஃபுல் ஹேட்ச்பேக் காரான புன்ட்டோ அபார்த் தற்போதே மிகப்பெரிய ஆவலை எழுப்பியுள்ளது. அந்த கார் பற்றிய சில கூடுதல் தகவல்கள்.

மிரட்டலான தோற்றம்

புன்ட்டோ அபார்த் தோற்றம் குட்டி ஸ்போர்ட்ஸ் காராக இருக்கிறது. இதன் 17 இஞ்ச் அலாய் வீல்கள் ஒரு ராட்சத உணர்வை ஏற்படுத்துகின்றன.

பவர்ஃபுல் எஞ்சின்

பவர்ஃபுல் ஹேட்ச்பேக் கார்கள் அதிகபட்சம் 89 பிஎச்பி ஆற்றலை வெளிப்படுத்தும் வகையில் இருக்கும் நிலையில், இந்த காரில் பொருத்தப்பட்டிருக்கும் 1.4 லிட்டர் டி-ஜெட் எஞ்சின் 140 பிஎச்பி ஆற்றலை வெளிப்படுத்தும் திறன் கொண்டதாக இருக்கும்.