ஸ்பெஷல் எடிசன் ஃபோர்டு என்டெவர்- என்னென்ன புதுசு?

தோற்றம்

புதிய முன்பக்க கிரில், முகப்பில் அதிக இடங்கள் குரோம் பூச்சுடன் பார்த்தவுடன் குதூகலமூட்டுகிறது. பக்கவாட்டில் கிராஃபிக்ஸ் ஸ்டிக்கர்களும் கவர்ச்சியாக இருக்கிறது.

பெயர் பட்டை

என்டெவர் என்று ஆங்கில எழுத்துக்களுடன் கூடிய பட்டை கிரில்லுக்கு மேலே, பானட்டின் முகப்பில் பளிச்சென்று தெரிகிறது.

இன்டிரியர்

ஆங்காங்கே என்டெவர் பெயர் அலங்கரிக்கிறது. இரட்டை வண்ணக் கலவை கொண்ட பீஜ் இன்டிரியர், ரிவர்ஸ் கேமரா, ஸ்டீயரிங் வீலில் ஆடியோ கன்ட்ரோல் சுவிட்சுகள், டச் ஸ்கிரீன் நேவிகேஷன் சிஸ்டம் ஆகியவை ஸ்டான்டர்டு ஆக்சஸெரீஸ்களாக இருக்கும்.

ஸ்கஃப் பிளேட்

கதவுக்கு கீழே என்டெவர் பெயர் பொறித்த பட்டை பொருத்தப்பட்டிருப்பதை காணலாம்.

சிறப்பு வசதிகள்

புதிய டிசைன் கொண்ட ஸ்போக்குகளுடன் 16 இஞ்ச் அலாய் வீல் பொருத்தப்பட்டிருக்கிறது.கூடுதல் காற்றுப் பைகள் மற்றும் டிரைவிங் சிஸ்டத்தை மாற்றிக் கொள்ள ப்ளை ஆன் வீல் திருகு ஆகியவையும் சிறப்பு பதிப்பு என்டெவரின் அம்சங்கள்.

எஞ்சின்

புதிய ஆல் டெர்ரெய்ன் என்டெவரில் 156 பிஎச்பி ஆற்றலை வெளிப்படுத்தும் 3.0 லிட்டர் டீசல் எஞ்சின் பொருத்தப்பட்டிருக்கிறது. 5 ஸ்பீடு ஆட்டோமேட்டிக் டிரான்ஸ்மிஷனை கொண்டுள்ளது.

விலை

புதிய என்டெவர் ஆல் டெர்ரெய்ன் சிறப்பு பதிப்பு ரூ.19.11 லட்சம் விலையில் விற்பனைக்கு விடப்பட்டிருக்கிறது. மஹிந்திரா அறிமுகம் செய்த சாங்யாங் ரெக்ஸ்டன் எஸ்யூவியால் ஏற்பட்டிருக்கும் போட்டியை சமாளிக்கும் வகையில் இந்த ஸ்பெஷல் எடிசன் என்டெவரை ஃபோர்டு களமிறக்கி இருக்கிறது.