இந்த ஆண்டு 6 புதிய மாடல்களை களமிறக்கும் ஸ்கோடா

2013 சூப்பர்ப்

இன்னும் ஓரிரு ஆண்டுகளில் புதிய சூப்பர்ப் காரை ஸ்கோடா அறிமுகப்படுத்த உள்ளது. அதற்கு முன்னதாக தற்போதைய சூப்பர்ப் மாடலில் சிறிது மாற்றங்களுடன் புதுப்பொலிவு கொடுத்து ஆகஸ்ட்டில் அறிமுகப்படுத்துகிறது ஸ்கோடா. எஞ்சினில் மாற்றங்கள் இருக்காது. 160 பிஎஸ் பவரை வெளிப்படுத்தும் 1.8 லிட்டர் பெட்ரோல் எஞ்சின் மற்றும் 140 பிஎஸ் பவரை வெளிப்படுத்தும் 2.0 லிட்டர் டீசல் எஞ்சினுடன் வருகிறது.

2013 ஆக்டாவியா(லாரா)

புதிய ஆக்டாவியா எம்கே3 காரை இந்த ஆண்டு மத்தியில் அறிமுகப்படுத்துகிறது ஸ்கோடா. 120 பிஎச்பி ஆற்றலை வெளிப்படுத்தும் 1.4 லிட்டர் எஞ்சின் மற்றும் 177 பிஎச்பி ஆற்றலை வெளிப்படுத்தும் 1.8 லிட்டர் டிஎஸ்ஐ பெட்ரோல் எஞ்சின் மாடல்களில் வருகிறது. இந்தியாவில் லாரா பிராண்டில் விற்பனைக்கு வர இருக்கிறது.

2013 ஃபேபியா

நல்ல ஹேட்ச்பேக் காராக இருந்தும் மார்க்கெட்டில் முக்கிய இடம் கிடைக்காமல் ஃபேபியா தவிக்கிறது. வாடிக்கையாளரை கவரும் வகையில் ஃபேபியாவை புதுப்பொலிவுடனும், கூடுதல் அம்சங்களுடனும் வரும் பண்டிகை காலத்தில் அறிமுகம் செய்கிறது ஸ்கோடா. 1.2 லிட்டர் மற்றும் 1.6 லிட்டர் எஞ்சின் பொருத்தப்பட்ட பெட்ரோல் மாடல்களிலும், 1.2 லிட்டர் டீசல் எஞ்சின் கொண்ட மாடலிலும் விற்பனைக்கு கிடைக்கும்.

ஆக்டாவியா விஆர்எஸ்

மேம்படுத்தப்பட்ட ஸ்போர்ட்டி வெர்ஷன் ஆக்டாவியா மாடலையும் இந்த ஆண்டு அறிமுகம் செய்கிறது ஸ்கோடா. இது ஆட்டோமொபைல் பிரியர்களின் எதிர்பார்ப்பை பூர்த்தி செய்யும் காராக இருக்கும்.

ஆக்டாவியா ஸ்டேஷன் வேகன்

ஆக்டாவியா காரின் ஸ்டேஷன் வேகன் காரையும் இந்த ஆண்டு அறிமுகம் செய்ய இருக்கிறது ஸ்கோடா. இதன்மூலம், விற்பனையில் முன்னிலை வகித்து இடத்தை இழந்த ஆக்டாவியாவின் மார்க்கெட்டை மீண்டும் பிடித்து விட முடியும் என்று ஸ்கோடா நம்புகிறது.

2013 யெட்டி எஸ்யூவி

இந்த ஆண்டு இறுதியில் யெட்டி எஸ்யூவியில் சில மாற்றங்களுடன் அறிமுகப்படுத்த இருக்கிறது ஸ்கோடா. யெட்டியின் குறைந்த விலை வேரியண்ட்டை களமிறக்கும் திட்டமும் ஸ்கோடாவிடம் உள்ளது.