டாடா மோட்டார்ஸ் எழுச்சி பெறுமா அல்லது வீழ்ச்சி பெறுமா? - ஜோசியம்!!

ஃபோக்ஸ்வேகன்

ஃபோக்ஸ்வேகன் குழுமத்தின் பங்களிப்பு அதிகரிக்கும் என 81 சதவீத்தினர் நம்பிக்கை தெரிவித்துள்ளனர். வெறும் 3 சதவீதத்தினர் மட்டுமே குறையும் என கணித்துள்ளனர். மொத்ததில் ஆய்வில் பங்குகொண்டவர்கள் வளர்ச்சி பெறுவதில் அதிக உறுதியாக கருத்து தெரிவித்ததில் ஃபோக்ஸ்வேகன் முதலிடத்தில் உள்ளது.

பிஎம்டபிள்யூ

ஆடி, பென்ஸ் நிறுவனத்திடமிருந்து கடும் போட்டியை எதிர்கொண்டு வரும் பிஎம்டபிள்யூ நிறுவனத்தின் மார்க்கெட் பங்களிப்பு அதிகரிக்கும் என 70 சதவீதத்தினரும், குறையும் என 5 சதவீத்தினரும் தெரிவித்துள்ளனர்.

பெயிக்

பீஜிங் ஆட்டோமோட்டிவ் நிறுவனத்தின் மார்க்கெட் பங்களிப்பு அதிகரிக்கும் என 70 சதவீத்தினரும், குறையும் என 5 சதவீத்தினரும் கருத்து தெரிவித்துள்ளனர்.

டொயோட்டா

டொயோட்டாவின் மார்க்கெட் பங்களிப்பு அதிகரிக்கும் என 68 சதவீதத்தினர் கூறியுள்ளனர். குறையும் என 7 சதவீதத்தினர் கணித்துள்ளனர்.

கியா மோட்டார்ஸ்

ஹூண்டாய் மோட்டார்ஸ் நிறுவனத்தின் அங்கமான கியா மோட்டார்ஸ் நிறுவனத்தின் மார்க்கெட் பங்களிப்பு அதிகரிக்கும் என 61 சதவீதத்தினரும், குறையும் என 14 சதவீதத்தினரும் கூறியுள்ளனர்.

ஹூண்டாய்

அடுத்த 5 ஆண்டுகளில் ஹூண்டாய் மார்க்கெட் பங்களிப்பு அதிகரிக்கும் என 61 சதவீத்தினர் கூறினர். அதேவேளை, மார்க்கெட் பங்களிப்பு குறையும் என 14 சதவீத்தினர் ஆருடம் கூறியுள்ளனர்.

செயிக் மோட்டார்

சீனாவின் மிகப்பெரிய வாகன தயாரிப்பு நிறுவனங்களில் ஒன்றான செயிக் மோட்டார் நிறுவனத்தின் மார்க்கெட் பங்களிப்பு அதிகரிக்கும் என 61 சதவீதத்தினரும், வீழ்ந்து விடும் என்று 10 சதவீதத்தினரும் கருத்து தெரிவித்துள்ளனர்.

எஃப்ஏடபிள்யூ

சீனாவை சேர்ந்த பழமையான வாகன தயாரிப்பு நிறுவனமா எஃப்ஏடபிள்யூ நிறுவனத்தின் மார்க்கெட் பங்களிப்பு அதிகரிக்கும் என 53 சதவீதத்தினரும், 9 சதவீதத்தினர் குறையும் என்றும் தெரிவித்துளளனர். இந்த நிறுவனம் ஃபோக்ஸ்வேகனின் கூட்டு நிறுவனம் என்பது குறிப்பிடத்தக்கது.

கீலி ஆட்டோமொபைல்ஸ்

ஆய்வில் பங்கேற்றவர்களில் 51 சதவீதத்தினர் சீனாவை சேர்ந்த கீலி ஆட்டோமோட்டிவ் நிறுவனம் மார்க்கெட் பங்களிப்பு அதிகரிக்கும் என்றும் 11 சதவீதத்தினர் குறையும் என்றும் தெரிவித்தனர்.

நிசான்

ஆய்வில் கலந்து கொண்ட 50 சதவீதத்தினர் ஜப்பானிய கார் நிறுவனமான நிசானின் மார்க்கெட் பங்களிப்பு அதிகரிக்கும் என்றும், 14 சதவீதத்தினர் குறையும் என்றும் கருத்து தெரிவித்தனர்.

டாடா மோட்டார்ஸ்

டாடா மோட்டார்ஸ் மார்க்கெட் பங்களிப்பு அதிகரிக்கும் என 50 சதவீதத்தினரும், குறையும் என 20 சதவீதத்தினரும் தெரிவித்துள்ளனர்.

ஃபோர்டு மற்றும் ஜிஎம்

அமெரிக்காவின் வாகன உற்பத்தி மையமாக திகழும் டெட்ராய்ட் நகரை சேர்ந்த ஃபோர்டு மற்றும் ஜெனரல் மோட்டார்ஸ் நிறுவனங்களின் மார்க்கெட் பங்களிப்பு அதிகரிக்கும் என 44 சதவீதத்தினரும், குறையும் என 23 சதவீதத்தினரும் கருத்து தெரிவித்துள்ளனர்.

கணிப்பு சரியாகுமா?

இந்த கணிப்பு சரியானதுதானா என்பதை அறிந்து கொள்ள இன்னும் 5 ஆண்டுகள் காத்துக்கிடக்கணும். இந்த ஆய்வை விடுங்க. அடுத்த 5 ஆண்டுகளில் டாடா மோட்டார்ஸ் மார்க்கெட் பங்களிப்பு அதிகரிக்குமா? - நீங்க சொல்லுங்க.