சத்தமில்லாமல் வந்த மேம்படுத்தப்பட்ட செவர்லே கேப்டிவா!

வெளிப்புற மாற்றம்

மேம்படுத்தப்பட்ட மாடல் என்பதால் பம்பர், கிரில் ஆகியவற்றில் மட்டும் சிறிய மாறுதல்களை ஜெனரல் மோட்டார்ஸ் செய்துள்ளது. 18 இஞ்ச் அலாய் வீல்கள்,பின்புற பம்பருடன் இணைந்த டூயல் எக்சாஸ்ட் பைப்புகள், புதிய எல்இடி லைட்டுகள் அடங்கிய டெயில் லைட் கிளஸ்ட்டர் ஆகியவற்றால் புதுமை தெரிகிறது.

இன்டிரியர்

உட்புறத்தில் புதிய ஃபேப்ரிக் அப்ஹோல்ஸ்டரி மற்றும் புதிய மல்டிமீடியா டிஸ்ப்ளே பொருத்தப்பட்டிருக்கிறது.

வசதிகள்

ரெயின் சென்சிங் வைப்பர், டூயல் ஸோன் கிளைமேட் கன்ட்ரோல் ஏசி, 8 ஸ்பீக்கர்கள் கொண்ட ஆடியோ சிஸ்டம், ஆட்டோமேட்டிக் லெவல் ரைடு சஸ்பென்ஷன், கீ லெஸ் ஸ்டார்ட் உள்ளிட்ட ஏராளமான வசதிகள் மற்றும் நவீன தொழில்நுட்பங்கள் இருக்கின்றன.

எஞ்சின்

முந்தைய 2.0 லிட்டர் டீசல் எஞ்சினுக்கு மாற்றாக 186.5 பிஎஸ் பவரையும், 424 என்எம் டார்க்கையும் அளிக்கும் புதிய 2.2 லிட்டர் டீசல் எஞ்சின் பொருத்தப்பட்டிருக்கிறது. 6 ஸ்பீடு மேனுவல் மற்றும் ஆட்டோமேட்டிக் டிரான்ஸ்மிஷனுடன் கிடைக்கும். இதுதவிர, 2 வீல் டிரைவ் சிஸ்டம் மற்றும் அடாப்டிவ் 4 வீல் டிரைவ் சிஸ்டம் கொண்ட மாடல்களிலும் தேர்வு செய்யலாம்.

மைலேஜ்

மேனுவல் டிரான்ஸ்மிஷன் மாடல் லிட்டருக்கு 14.6 கிமீ மைலேஜையும், ஆட்டோமேட்டிக் மாடல் லிட்டருக்கு 12.12 கிமீ மைலேஜையும் தரும் என தெரிவிக்கப்பட்டுள்ளது.

விலை

இந்தியாவில் இறக்குமதி செய்து விற்பனை செய்யப்பட உள்ள கேப்டிவாவுக்கு ரூ.23,49,802 எக்ஸ்ஷோரூம் விலையாக இணையதளத்தில் தெரிவிக்கப்பட்டுள்ளது.