61 ஆண்டுகளாக ஒரே கார்: கின்னஸில் இடம் பிடித்த அமெரிக்கர்!

கடந்த 61 ஆண்டுகளாக ஒரே காரை பயன்படுத்தி வரும் அமெரிக்கர் உலகின் நீண்டகால கார் உரிமையாளர் என்ற பெருமையுடன் கின்னஸில் இடம் பிடித்துள்ளார்.

இப்போது ஒரு காரை 5 ஆண்டுகள் ஆவதற்குள் புதிய மாடலைத் தேடும் நிலை இருக்கிறது. ஆனால், அமெரிக்காவின் பெனிசில்வேணியாவை சேர்ந்த ஜேம்ஸ் என்பவர் கடந்த 61 ஆண்டுகளாக ஒரே காரை பயன்படுத்தி வருகிறார்.

கடந்த 1951ம் ஆண்டு ஜூன் 15ந் தேதி வெள்ளை நிற செவர்லே கூபே காரை வாங்கினார். அதுமுதல் இன்று வரை அந்த காரை பயன்படுத்தி வருகிறார்.

ஒரு காரை அதிக ஆண்டுகள் வைத்திருந்ததற்காக, உலகின் நீண்டகால கார் உரிமையாளர் என்ற பெருமையுடன் கின்னஸ் சாதனை புத்தகத்திலும் இடம் பிடித்துள்ளார் ஜேம்ஸ்

கடந்த பிப்ரவரி 8ந் தேதி 50 வது திருமண நாளை கொண்டாடிய ஜேம்ஸ் தனது மனைவியுடன் எடுத்த படம்தான் மேலே பார்க்கிறீர்கள்.