போனியாகவில்லை... எஸ்டீலோ உற்பத்தியை நிறுத்திய மாருதி?

ஸென் இடம் போச்சு

வெற்றிகரமாக மாடலாக இருந்த ஸென் காருக்கு மாற்றாக இந்த கார் டால் பாய் டிசைனில் வந்தது. 2007ம் ஆண்டு முதல் விற்பனையில் இருக்கும் எஸ்டீலோ பத்தோடு பதினொன்றாக நின்றதே தவிர மாருதிக்கு கைகொடுக்கவில்லை. மேலும், ஸென் இடத்தை தற்போது வெற்றிடமாக்கி விட்டு செல்கிறது.

டிஸ்கவுன்ட்

உற்பத்தி நிறுத்தப்பட்டுள்ள எஸ்டீலோவுக்கு இருப்பை தீர்த்துக் கட்டும் விதமாக மாருதி டீலர்களில் ரூ.35,000 முதல் ரூ.50,000 வரை தள்ளுபடி வழங்கப்படுகிறது.

அடுத்த குறி...

ஏ ஸ்டாரும் விற்பனை எண்ணிக்கையை வெளியில் சொல்ல முடியாதவாறு தவித்து வருகிறது. எனவே, எஸ்டீலோவையடுத்து ஏ ஸ்டாருக்கும் மாருதி விடை கொடுக்க உள்ளது.

மாற்று மாடல்

ஏ ஸ்டார் உற்பத்தி நிறுத்தப்பட்டாலும், அந்த இடம் வெற்றிடமாகாது. இந்த காருக்கு மாற்றாக அடுத்த தலைமுறை ஏ ஸ்டார் காரை மாருதி அறிமுகம் செய்ய உள்ளது.

டீசல் நம்பிக்கை

ஏ ஸ்டாருக்கு மாற்றாக வரும் புதிய மாடல் டீசல் மாடலிலும் வருகிறது என்பதால் எதிர்பார்ப்பு நிலவுகிறது.