விற்பனை சரிவு... ஸ்விப்ட், டிசையர் கார் உற்பத்தி நிறுத்தம்!

ஸ்விப்ட் உற்பத்தி நிறுத்தம்

கடந்த இரு மாதங்களின் விற்பனை நிலவரப்படி, ஸ்விப்ட், டிசையர் கார்களின் விற்பனை வேகமாக சரிந்துவிட்டது. இதையடுத்து, குர்கான் ஆலையில் ஸ்விப்ட், டிசையர் கார்களின் உற்பத்தியை முற்றிலுமாக மாருதி நிறுத்தி வைத்துள்ளதாக தகவல்கள் தெரிவிக்கின்றன.

மீண்டும் உற்பத்தி

இருப்பு தீர்ந்தவுடன் உற்பத்தியை துவங்குவதற்கு மாருதி முடிவு செய்துள்ளதாக தகவல்கள் தெரிவிக்கின்றன.

திடீர் சரிவு

20,000 நெருக்கத்தை தொட்டுக் கொண்டிருந்த ஸ்விப்ட், டிசையர் கார்களின் விற்பனை கடந்த சில மாதங்களாக கிடுகிடுவென சரிந்து வருகிறது. கடந்த மாதம் 12,548 டிசையர் கார்கள் மட்டுமே விற்பனையாகியுள்ளன.

டீசல் எஞ்சினும் நிறுத்தம்

மானேசர் ஆலையில் டீசல் எஞ்சின் உற்பத்தியை வெகுவாக குறைத்துள்ளது. மூன்றாவது ஷிப்ட்டில் உற்பத்தியை நிறுத்தியிருக்கும் மாருதி, அங்கு பணிபுரிந்து வரும் 200 தொழிலாளர்களை காலவரையற்ற விடுப்பில் செல்லுமாறு அனுப்பிவிட்டதாக செய்திகள் தெரிவிக்கின்றன.

அப்போ டீசல் வேகன் ஆர்

இதே நிலை நீடித்தால், புதிதாக அறிமுகம் செய்யப்பட இருக்கும் டீசல் வேகன்-ஆர் உள்ளிட்ட கார்களின் அறிமுகத்தை மாருதி ஒத்திவைக்க நேரிடும் நிலை ஏற்பட்டுள்ளது.