புதிய ஃபிகோ அடிப்படையிலான காம்பெக்ட் செடான் சோதனை!

டெட்ராய்டில் சோதனை

டெட்ராய்ட் புறநகர் பகுதியில் வைத்து இந்த புதிய செடான் கார் சோதனை நடத்தப்பட்டுள்ளது. முழுவதும் மறைக்கப்பட்ட நிலைியில் சோதனை செய்யப்பட்ட இந்த காரின் சோதனையின்போது எடுக்கப்பட்ட படங்களை TheTruthAboutCars என்ற தளம் வெளியிட்டுள்ளது.

காம்பெக்ட் செடான்

இந்தியாவில் அறிமுகமாக இருக்கும் புதிய ஃபிகோ அடிப்படையிலான இந்த காம்பெக்ட் செடான் 4 மீட்டருக்கும் குறைவான நீளம் கொண்டதாக இருக்கும் என தெரிகிறது.

அறிமுகம்?

2015ம் ஆண்டு துவக்கத்தில் புதிய ஃபிகோ ஹேட்ச்பேக் காரும், அதனைத் தொடர்ந்து இந்த புதிய காம்பெக்ட் செடான் காரும் விற்பனைக்கு வரும் என எதிர்பார்க்கப்படுகிறது.

சனந்த்தில் உற்பத்தி

குஜராஜ் மாநிலம், சனந்த் தொழிற்பேட்டையில் ஃபோர்டு நிறுவனம் அமைக்க இருக்கும் புதிய கார் தொழிற்சாலையில் இந்த புதிய செடான் கார் உற்பத்தி செய்ய திட்டமிடப்பட்டுள்ளது.

எஞ்சின்

புதிய ஃபிகோ மற்றும் இந்த புதிய காம்பெக்ட் செடான் கார்களில் 1.0 லிட்டர் ஈக்கோபூஸ்ட் பெட்ரோல் எஞ்சின் இடம்பெறும் என தெரிகிறது. இதுதவிர, 1.5 லிட்டர் டர்போ டீசல் எஞ்சினும் பொருத்தப்பட்டு வரும் என தகவல்கள் தெரிவிக்கின்றன.