இந்தியாவில் புதிய எக்ஸ்ட்ரெயிலை அறிமுகப்படுத்த நிசான் திட்டம்!

மூன்றாம் தலைமுறை

நிசான் - ரெனோ நிறுவனங்களின் Common Module Family(CMF) என்ற நவீன கட்டமைப்பு அடிப்படையில் இந்த புதிய எஸ்யூவி வடிவமைக்கப்பட்டுள்ளது. இதே பிளாட்பார்மில் சிறிய, பெரிய வடிவத்திலான 9 கார் மாடல்களை நிசான் மற்றும் ரெனோ நிறுவனங்கள் வடிவமைக்க உள்ளன.

டிசைன்

இப்போது விற்பனையில் இருக்கும் மாடலுக்கும், புதிய மாடலுக்கும் சம்பந்தமே இல்லை. மேலும், வெளிப்புறம் மற்றும் உட்புறம் என இரண்டிலும் படு கவர்ச்சியாக இருக்கிறது டிசைன்.

7 சீட்டர்

இந்த புதிய எக்ஸ்ட்ரெயில் எஸ்யூவி 7 சீட்டர் லே அவுட்டில் வருவதும் வாடிக்கையாளர்களை கவரும் மிக முக்கிய அம்சமாக இருக்கும்.

குறைவான விலை

சிஎம்எஃப் பிளாட்பார்மிலான இந்த புதிய எஸ்யூவி உற்பத்தி செலவு மிக குறைவானதாக இருக்கும் என்று தெரிவிக்கப்பட்டுள்ளது. அதாவது, பாகங்களில் மட்டுமே 30 சதவீதம் அளவுக்கு மிச்சமாகும் என தெரிவிக்கப்பட்டுள்ளது. மேலும், இந்தியாவில் அசெம்பிள் செய்யப்பட்டு விற்பனைக்கு வரும்போது மிக சவாலான விலையில் வரும் வாய்ப்புள்ளது.

எஞ்சின்

தற்போது இருக்கும் 2.0 லிட்டர் டீசல் எஞ்சினுடன் புதிய 1.6 லிட்டர் டீசல் எஞ்சின் மாடலிலும் மார்க்கெட்டுக்கு தகுந்தவாறு அறிமுகம் செய்யப்பட உள்ளது. நிசான் நிறுவனத்தின் எக்ஸ் ட்ரோனிக் ஆட்டோமேட்டிக் டிரான்ஸ்மிஷன் கொண்டதாக இருக்கும்.

வசதிகள்

ஏராளமான வசதிகளுடன் இந்த புதிய எஸ்யூவி வர இருக்கிறது. 2 வீல் டிரைவ், ஆல் வீல் டிரைவ் மாடல்களிலும் கிடைக்கும் என தெரிவிக்கப்பட்டுள்ளது.

விலை

ரூ.20 லட்சம் விலையில் இந்த புதிய எஸ்யூவி விற்பனைக்கு கொண்டு வரப்படும் என எதிர்பார்க்கப்படுகிறது. எனவே, போட்டியாளர்களுக்கு நிச்சயம் நெருக்கடியை அளிக்கும்.