நிசான் டெரானோவுக்கு 3வது வரிசையில் ஜம்ப் இருக்கைகள் ஆஃபர்

டஸ்ட்டரை போன்றே டெரானோவுக்கும் மூன்றாவது வரிசையில் ஜம்ப் இருக்கைகளை ஆப்ஷனலாக நிசான் டீலர்களில் பெற்றுக் கொள்ளலாம்.

5 பேர் செல்லும் வசதி கொண்டதாக வரும் நிசான் டெரானோவில் பின்புறத்தில் 475 லிட்டர் பூட் ரூம் இருக்கிறது. இந்த இடத்தில் சிறியவர்களை அமர வைக்கும் விதமாக 2 ஜம்ப் இருக்கைகளை டீலர்களில் கூடுதல் ஆக்சஸெரீயாக பெற்றுக் கொள்ளலாம் என்று தெரிவிக்கப்பட்டுள்ளது.

இந்த 2 ஜம்ப் இருக்கைகள் பொருத்திக் கொள்வதன் மூலம் 7 பேர் பயணம் செய்யும் வசதி கொண்ட எஸ்யூவியாக டெரானோவை பயன்படுத்த முடியும்.

மேலும், இந்த இருக்கைகள் மடக்கி விரிக்கும் வசதிகொண்டது என்பதால் பொருட்கள் வைக்கும்போது அதிக இடைஞ்சல் இருக்காது. இதுதவிர, இன்னும் பல கூடுதல் ஆக்சஸெரீஸ்கள் டெரானோவுக்கு அறிமுகம் செய்யப்பட்டுள்ளன.