டஸ்ட்டர் புண்ணியத்தில் ரெனோ விற்பனை அமோகம்!

டஸ்ட்டர் வந்த பிறகு மாதாமாதம் ரெனோவுக்கு ஆரவாரமாகியுள்ளது. கடந்த மாதம் ரெனோவின் விற்பனை 8 மடங்கு அதிகரித்துள்ளது.

கடந்த மாதம் 6,007 கார்களை ரெனோ விற்பனை செய்துள்ளது. கடந்த ஆண்டு ஜூனில் ரெனோ மொத்தமாகவே 787 கார்களை மட்டுமே விற்பனை செய்திருந்தது.

இதனை ஒப்பிட்டு பார்க்கும்போது, ரெனோவின் விற்பனை கடந்த மாதம் 8 மடங்கு அதிகரித்துள்ளது. கடந்த மாதம் 4,523 டஸ்ட்டர் எஸ்யூவிகளையும், 772 ஸ்காலா கார்களையும், 497 பல்ஸ் கார்களையும், 215 புளூயன்ஸ் கார்களையும் ரெனோ விற்பனை செய்துள்ளது.