டிசம்பரில் ரெனோ கார் விற்பனை 32 மடங்கு அதிகரிப்பு

மொத்தம் 5 மாடல்களை ரெனோ விற்பனை செய்து வந்தாலும் டஸ்ட்டர்தான் ரெனோவுக்கு பெரும் பங்களிப்பை வழங்கியிருக்கிறது.

ஆண்டு இறுதி என்பதால் கார் விற்பனை கடகடத்ததால் பல நிறுவனங்கள் சலுகைகளை அறிவித்தன. ஆனால், எவ்வித அலட்டலும் இல்லாமல் டஸ்ட்டர் வழக்கம்போல் நல்ல விற்பனை எண்ணிக்கையை பதிவு செய்தது.

கடந்த மாதம் 4,485 டஸ்ட்டர் கார்களை ரெனோ விற்பனை செய்துள்ளது. இதேபோன்று 820 ஸ்காலா கார்களையும், 515 பல்ஸ் கார்களையும் விற்பனை செய்துள்ளதாக ரெனோ தெரிவித்திருக்கிறது. 2011ம் ஆண்டு டிசம்பர் விற்பனையுடன் ஒப்பிடும்போது கடந்த மாதம் ரெனோவின் விற்பனை 32 மடங்கு அதிகரித்துள்ளது.

கடந்த 2011ல் வெறும் 1,401 கார்களை விற்பனை செய்திருந்த ரெனோ கடந்த ஆண்டு 35,052 கார்களை விற்பனை செய்துள்ளது. அதாவது, ரெனோவின் கார் விற்பனை 25 மடங்குக்கும் மேல் அதிகரித்துள்ளது.