மினி ரயில் போன்ற ரெனோவின் எதிர்கால டாக்சி கான்செப்ட்!

டிசைனர்

வால்டர் ராபர்ட் என்ற பிரபல டிசைனர் இந்த ஜீரோ எமிசன் வாகனத்தை வடிவமைத்துள்ளார்.

இருக்கை வசதி

ஒரு வேனில் 5 பேர் பயணம் செய்ய முடியும். மேலும், கண்ணாடி ஜன்னல்கள் மிக விசாலமாக கொடுக்கப்பட்டிருப்பதால் பயணிகளுக்கு மிக மகிழ்ச்சிகரமான பயண அனுபவத்தை வழங்கும்.

டாக்சி ரயில்

ஒரே நேரத்தில் மூன்று வாகனங்களை இணைத்து செல்லும் வகையில் வடிவமைக்கப்பட்டுள்ளது. அதாவது, ஒரு மினி ரயில் போன்று மாறிவிடும்.

சோலார் சிஸ்டம்

இந்த டாக்சியின் மேற்புறத்தில் சூரிய மின் தகடுகள் பொருத்தப்பட்டுள்ளன. நவீன தொழில்நுட்பம் கொண்ட இந்த மின் தகடுகள் மூலம் அதிக மின் ஆற்றலை பெற்று சேமித்து வைக்க முடியும்.

இரவிலும் பயணம்

அதிநவீன தொழில்நுட்பத்தில் உருவாக்கப்படும் பேட்டரியில் அதிக ஆற்றலை சேமித்து வைக்கும் வசதி கொண்டதால், இரவிலும் தடையில்லாமல் செல்ல முடியும் என்கிறது ரெனோ.

கதவுகள்

கதவுகள் பக்கவாட்டில் மிக விசாலமாக திறந்து மூடுவதால் வெகு சுலபமாக ஏறி இறங்க முடியும்.

பாலைவனக் கப்பல்

இந்த வாகனத்தை நகர்ப்புற பயன்பாட்டு வாகனமாக மட்டுமில்லாமல் பாலைவன பயன்பாட்டு வாகனமாகவும் பயன்படுத்த முடியும் என்று வடிவமைப்பாளர்கள் தெரிவிக்கின்றனர்.