அக்டோபரில் ராயல் என்ஃபீல்டின் கான்டினென்டல் ஜிடி!

எஞ்சின்

இந்த மோட்டார்சைக்கிளில் 30 பிஎச்பி ஆற்றலை வெளிப்படுத்தும் திறன் கொண்ட 535சிசி எஞ்சின் பொருத்தப்பட்டிருக்கும். இங்கிலாந்தை சேர்ந்த ஹாரிஸ் எஞ்சினியரிங் நிறுவனத்துடன் இணைந்து இந்த புதிய எஞ்சினை வடிவமைத்துள்ளது ராயல் என்ஃபீல்டு.

தோற்றம்

இருக்கை, பெட்ரோல் டேங்க், ஹேண்டில்பார், வட்ட வடிவ ஹெட்லைட் ஆகியவை முற்றிலும் புதிய ராயல் என்ஃபீல்டு மோட்டார்சைக்கிளாக வேறுபடுத்துகின்றன.

டிஸ்க் பிரேக்

முன் சக்கரம் மற்றும் பின் சக்கரத்தில் டிஸ்க் பிரேக்குகள் பொருத்தப்பட்டிருக்கும். பயோலி ஷாக்அப்சார்பர்கள், பைரெலி டயர்கள் ஆகியவையும் இந்த புதிய மோட்டார்சைக்கிளுக்கு கூடுதல் வலு சேர்க்கின்றன.

எதிர்பார்க்கும் விலை

கஃபே ரேஸருக்கான கிட் வாங்கி மாற்றுவதற்கு ஆகும் செலவை விட சிறிது குறைவான விலையில் இந்த மோட்டார்சைக்கிளை அறிமுகப்படுத்த ராயல் என்பீல்டு திட்டமிட்டுள்ளது. ரூ.2.25 லட்சம் விலையில் அறிமுகம் செய்யப்படும் என்று எதிர்பார்க்கப்படுகிறது. இதுதான் ராயல் என்ஃபீல்டின் விலையுயர்ந்த மாடலாக இருக்கலாம்.

சென்னையில் உற்பத்தி

சென்னை, ஒரகடத்தில் சமீபத்தில் திறக்கப்பட்ட ராயல் என்ஃபீல்டின் புதிய ஆலையில் இந்த மோட்டார்சைக்கிள் உற்பத்தி செய்யப்பட உள்ளது.

வெயிட்டிங் பீரியட்

புதிய ஆலை திறக்கப்பட்டிருப்பதால், ராயல் என்ஃபீல்டு நிறுவனத்தின் உற்பத்தி திறன் வெகுவாக அதிகரித்துள்ளது. எனவே, இந்த மோட்டார்சைக்கிளை முன்பதிவு செய்வோர் விரைவாகவே டெலிவிரி பெறும் வாய்ப்புள்ளது.