பனிச் சறுக்கு ஆடிய மெக்லாரன் சூப்பர் கார்கள்!

By Saravana

Published: Wednesday, March 20, 2013, 16:53 [IST]

மெக்லாரன் சூப்பர் கார்களின் ஆளுமையை ரேஸ் டிராக்குகளில் கண்டிருக்கிறோம். ரேஸ் டிராக்கைவிட்டு இந்த கார்கள் சாதாரண சாலைகளில் பயன்படுத்துவது கடினம். இந்த நிலையில், பனிக்கட்டிகள் நிறைந்த பகுதியில் மெக்லாரன் கார்கள் உருண்டு விளையாடிய ஆட்டம் சுவிட்சர்லாந்தில் நடந்துள்ளது.

மெக்லாரனின் சோதனை டிரைவர்கள் இந்த காரை சுவிட்சர்லாந்திலுள்ள பனிநிறைந்த பகுதியில் அமைக்கப்பட்ட டிராக்கில் அதிவேகத்தில் ஓட்டி பெர்பார்மென்ஸ் டிரைவ் நிகழ்ச்சியை நடத்தியுள்ளனர். சாதாரணமாக பனி நிறைந்த பகுதியில் கார் ஓட்டுவது கடினம் என்ற நிலையில் இந்த காரை அசால்ட்டாக ஓட்டியுள்ளனர். இந்த டிரைவிங் அனுபவ நிகழ்ச்சியின் படங்களை மெக்லாரன் தற்போது வெளியிட்டிருக்கிறது. 3 மெக்லாரன் எம்பி4 12சி ஹார்டுடாப் கார்களும், ஒரு ஸ்பைடர் காரும் பனிச்சறுக்கு ஆடியதை ஸ்லைடரில் காணலாம்.