ரோபோட் காரை உருவாக்கிய ஆக்ஸ்போர்டு பல்கலைகழக விஞ்ஞானிகள்

நிசான் லீஃப்

நிசான் லீஃப் எலக்ட்ரிக் காரில்தான் இந்த தொழில்நுட்பத்தை பரீட்சார்த்த முறையில் வைத்து சோதனை நடத்தியுள்ளனர்.

லேசர் கருவிகள்

காரின் சுற்றிலும் லேசர் கருவிகள் மற்றும் கேமராக்கள் மறைமுகமாக பொருத்தப்பட்டுள்ளன. இந்த கேமரா மற்றும் லேசர் கருவி மூலம் இந்த கார் சாலையில் சரியாக செல்கிறது.

தானியங்கி தொழில்நுட்பம்

ஒருவேளை வழியில் பாதசாரிகள் அல்லது வாகனங்கள் குறுக்கே வந்தால் லேசர் கருவிகள் மூலம் உணர்ந்து தானாக பிரேக் போட்டு நின்றுவிடும். பின்னர், வாகனங்கள் சென்றவுடன் தானியங்கி முறையில் மீண்டும் ஆக்சிலரேட்டர் கொடுத்து நகரும்.

ஐபேட் துணை

இந்த காரின் முக்கிய இயக்கத்துக்கு ஐபேட் துணை புரிகிறது. ஆம், இந்த தானியங்கி தொழில்நுட்பத்தின் மூளையாக ஐபேடை பயன்படுத்தியுள்ளனர். காரின் டேஷ்போர்டில் பொருத்தப்பட்டிருக்கும் ஐபேடில் சில கட்டுப்பாட்டுகள் அடங்கிய சாப்ட்வேரை பதிவு செய்து இந்த கார் தானியங்கி முறையில் இயங்கும் வகையில் வடிவமைத்துள்ளனர்.

அவசர காலத்தில்

ஒருவேளை, கம்ப்யூட்டரில் ஏதேனும் கோளாறு ஏற்பட்டால் டிரைவர் காரை செலுத்த முடியும்.

ஜிபிஎஸ் இல்லை

ஜிபிஎஸ் சிஸ்டத்தை இந்த காரில் பயன்படுத்தவில்லை.சில நேரங்களில் ஜிபிஎஸ் தகவல்களில் குளறுபடிகள் இருந்தால் ரோபோட் காரின் தொழில்நுட்பம் அதனை சரியாக புரிந்து கொள்ள முடியாது. எனவே, சாலைகளில் கணக்கீடுகளின் அடிப்படையில் செல்லும் வகையில் உருவாக்கியிருக்கின்றனர்.

விபத்து ஏற்படாது

எதிர்காலத்தில் போக்குவரத்து நெரிசல்களை சமாளிக்கவும், விபத்துக்களை தவிர்க்கவும் இந்த ரோபோட் கார்கள் மிகவும் உதவியாக இருக்கும் என்கின்றனர் இதனை உருவாக்கிய விஞ்ஞானிகள் குழு.

பாதுகாப்பு

இந்த காரில் பதிவு செய்யப்பட்டிருக்கும் டிரைவரின் 3டி பிம்பத்தை அடிப்படையாக கொண்டே சம்பந்தப்பட்டவர் மட்டுமே இந்த காரை இயக்க இந்த தொழில்நுட்பம் அனுமதிக்கும்.

லேசர் திறன்

இந்த காரில் பொருத்தப்பட்டிருக்கும் லேசர் கருவிகள் வினாடிக்கு 13 முறை சாலையை ஸ்கேன் செய்யும். இதேபோன்று, 164 அடிக்கு முன்னால் இருக்கும் பொருட்களையும், 85 டிகிரி கோணத்தில் சாலையையும் கண்காணித்து செல்லும் வகையில் வசதிகள் செய்யப்பட்டுள்ளன.

எலக்ட்ரிக் கார்

எலக்ட்ரிக் கார்இது எலக்ட்ரிக் கார் என்பதால் இந்த கார் சுற்றுச் சூழலுக்கு தீங்கு இழைக்காது என்பதும் கூடுதல் அம்சமாக கூறலாம். அடுத்த 15 ஆண்டுகளில் இது நடைமுறையில் பயன்படும் தொழில்நுட்பமாக பயன்படுத்த முயற்சிகளை தீவிரமாக எடுத்து வருவதாக ஆக்ஸ்போர்டு விஞ்ஞானிகள் குழு தெரிவித்துள்ளது.

தானியங்கி கார் - படங்கள்

தானியங்கி கார் - படங்கள்

தானியங்கி கார் - படங்கள்

தானியங்கி கார் - படங்கள்

தானியங்கி கார் - படங்கள்