ஸ்கோடா ஆக்டாவியா ஆர்எஸ் காரின் அதிகாரப்பூர்வ படங்கள்

எஞ்சின்

220 எச்பி ஆற்றலை வெளிப்படுத்தும் 2.0 லிட்டர் பெட்ரோல் எஞ்சின் மற்றும் 184 எச்பி ஆற்றலை வெளிப்படுத்தும் 2.0 லிட்டர் டீசல் எஞ்சினுடன் வருகிறது.

டிரான்ஸ்மிஷன்

மேனுவல் மற்றும் ஆட்டோமேட்டிக் டிரான்ஸ்மிஷன் மாடல்களில் கிடைக்கும்.

பெர்ஃபார்மென்ஸ்

மேனுவல் கியர்பாக்ஸ் கொண்ட பெட்ரோல் மாடல் 0-100 கிமீ வேகத்தை 6.8 வினாடிகளில் எட்டும். மேனுவல் கியர்பாக்ஸ் கொண்ட டீசல் மாடல் 0-100 கிமீ வேகத்தை 8.1 வினாடிகளில் தொட்டுவிடும்.

டாப் ஸ்பீடு

இந்த காரின் பெட்ரோல் மாடல் மணிக்கு அதிகபட்சம் 248 கிமீ வரை எட்டும் திறன் கொண்டது. டீசல் மாடல் மணிக்கு 232 கிமீ வேகம் வரை செல்லும்.

எரிபொருள் சிக்கனம்

மைலேஜ் விபரங்களை ஸ்கோடா ஆட்டோ இதுவரை வெளியிடவில்லை. ஆனால், முந்தைய எஞ்சின்களை விட புதிய எஞ்சின்கள் 19 சதவீதம் வரை குறைவான எரிபொருளையே மட்டுமே எடுத்துக் கொண்டு தங்களது திறனை காட்டும். ஸ்டார்ட் ஸ்டாப் தொழில்நுட்பம், பிரேக் ஆற்றலை சேமிக்கும் தொழில்நுட்பங்களும் இருக்கிறது.

கூடுதல் அம்சங்கள்

இந்த புதிய ஸ்போர்ட்ஸ் மாடல் ஆக்டாவியா ஆர்எஸ் காரில் ஸ்போர்ட்ஸ் சஸ்பென்ஷன் பொருத்தப்பட்டுள்ளது. அதிக சமநிலையை தரும் எலக்ட்ரானிக் எக்ஸ்டிஎஸ் லாக் சிஸ்டத்தையும் கொண்டிருக்கிறது. எலக்ட்ரானிக் ஸ்டெபிளிட்டி கன்ட்ரோல் சிஸ்டமும் கொண்டிருப்பதால் அதிவேக காராக இருந்தாலும், அதிக பாதுகாப்பை உறுதி செய்யும்.

வடிவமைப்பு

சாதாரண ஆக்டாவியாவிலிருந்து இதனை வேறுபடுத்தும் விதமாக வடிவமைப்பில் கூடுதல் சமாச்சாரங்களை ஸ்கோடா சேர்த்துள்ளது. இதனால், இந்த கார் 88 மிமீ கூடுதல் நீளத்துடனும், 45 மிமீ கூடுதல் அகலம் கொண்டதாகவும் இருக்கிறது. இதன் வீல்பேஸ் 102 மிமீ கூடுதலாக இருப்பதால் உள்ளே அதிக இடவசதியை வழங்கும்.

கவர்ச்சி அம்சங்கள்

ஆர்எஸ் ஸ்டைல் முன்பக்க பம்பர், ரூஃப் எட்ஜ் ஸ்பாய்லர், எல்இடி பிரேக் லைட்டுகள் ஆகியவை ஆக்டாவியா ஆர்எஸ் காரை ஸ்போர்ட்டியாக காட்சி தர வைக்கின்றன.

கூடுதல் கவர்ச்சி

ஹனிகோம்ப் ஏர்டேம், பனி விளக்குகள், பை-ஸினான் ஹெட்லைட்டுகள், எல்இடி பகல் நேர ரன்னிங் விளக்குகள், 17,18 மற்றும் 19 இஞ்ச் அலாய் வீல்கள் ஆகியவையும் ஸ்கோடா ஆக்டாவியா ஆர்எஸ் காரின் கம்பீரத்துக்கும், கவர்ச்சிக்கும் துணைபுரியும் அம்சங்களாக இருக்கும்.

இன்டிரியர்

கதவு கைப்பிடிகளில் மெல்லிய ஒளி உமிழும் விளக்குகள், லெதர் உறையுடன் கூடிய ஸ்டீயரிங் வீல், ஸ்டெயின்லெஸ் ஸ்டீல் பெடல்கள், சில் பிளேட், புதிய இன்ஸ்ட்ரூமென்ட் கிளஸ்ட்டர் ஆகியவை ஆக்டாவியாவின் அந்தஸ்தை உயர்த்துகின்றன.