மும்பையில் சாங்யாங் ரோடியஸ்: சோதனை ஓட்டத்துக்கு ஆயத்தம்?

வடிவமைப்பு

ஃபோர்டு என்டெவர் எஸ்யூவியைவிட 70 மிமீ கூடுதல் நீளம் கொண்டது. 3,000 மிமீ வீல் பேஸ் கொண்டிருப்பதால் உள்புறத்தில் சிறந்த இடவசதியை அளிக்கிறது.

எஞ்சின்

இந்த காரில் 155 பிஎச்பி ஆற்றலை வெளிப்படுத்தும் 2.0 லிட்டர் எக்ஸ்டிஐ 200 டீசல் எஞ்சின் பொருத்தப்பட்டிருக்கும்.

டிரான்ஸ்மிஷன்

6 ஸ்பீடு மேனுவல் டிரான்ஸ்மிஷன், 5 ஸ்பீடு ஆட்டோமேட்டிக் டிரான்ஸ்மிஷன் கொண்ட மாடல்களில் கிடைக்கும்.

ஆல் வீல் டிரைவ்

இந்த கார் ஆல் வீல் டிரைவ் சிஸ்டம் கொண்டது. சாலைநிலைகளை பொறுத்து ஆல் வீல் டிரைவ் சிஸ்டத்துக்கு மாற்றிக் கொள்ளலாம்.

இருக்கை அமைப்பு

மொத்தம் 4 வரிசை இருக்கை அமைப்பை இந்த கார் கொண்டிருக்கிறது. இருக்கை வசதி 2+3+3+3 இருக்கை அமைப்பு கொண்டது. தேவைப்பட்டால் இதன் பின் இருக்கைகளை மடக்கிக் கொள்ளலாம். 2வது மற்றும் 3வது வரிசை இருக்கைகளை மடக்கி விரிக்க முடியும்.

பாதுகாப்பு அம்சங்கள்

பிரேக் அசிஸ்ட் சிஸ்டம்(பிஏஎஸ்), ஆக்டிவ் ரோல்ஓவர் சிஸ்டம்(ஏஆர்பி), எலக்ட்ரானிக் ஸ்டெபிளிட்டி சிஸ்டம்(இஎஸ்பி), ஏபிஎஸ் பிரேக்கிங் சிஸ்டம் மற்றும் ஏர்பேக்ஸ் ஆகிய ஏராளமான பாதுகாப்பு அம்சங்களை கொண்டிருக்கிறது.

டேஷ்போர்டு

குவார்க்கி டிசைன் கொண்ட டேஷ்போர்டு பொருத்தப்பட்டிருக்கிறது. ஸ்டீயரிங் வீலுக்கு பின்னால் டிஜிட்டல் இன்ஸ்ட்ரூமென்ட் கன்சோலும், சென்ட்ரல் கன்சோலுக்கு மேல் அனலாக் இன்ஸ்ட்ரூமென்ட் கன்சோலும் பொருத்தப்பட்டுள்ளது.

கன்ட்ரோல் சுவிட்சுகள்

ஸ்டீயரிங் வீலில் ஆடியோ மற்றும் போன் கன்ட்ரோல் சுவிட்சுகள் பொருத்தப்பட்டுள்ளன.

இன்போடெயின்மென்ட் சிஸ்டம்

இந்த காரில் டச் ஸ்கிரீனுடன் கூடிய இன்போடெயின்மென்ட் சிஸ்டம் பொருத்தப்பட்டுள்ளது.

கூடுதல் வசதி

சாகச பயணங்கள் மற்றும் குடும்பத்துடன் வெளியூர் செல்வதற்கு ஏற்றவாறு கூரையின் மேற்புறத்தில் லக்கேஜ் கெனாப்பியை இதில் பொருத்த முடியும். இதனால், உட்புறத்தில் இடவசதி தாராளமாக கிடைக்கும்.

கஸ்டமைஸ் டூரிஷ்மோ

சியோல் வர்த்தக மையத்தில் பார்வைக்கு நிறுத்தப்பட்டிருந்த கஸ்டமைஸ் செய்யப்பட்ட டூரிஷ்மோ.

எதிர்பார்க்கும் விலை

இந்தியாவில் அறிமுகம் செய்யப்பட்டால் ரெக்ஸ்டன் எஸ்யூவியின் விலையையொட்டியாகவே இதன் விலை இருக்கும். ரெக்ஸ்டன் ரூ.17.67 லட்சம் விலையில் விற்பனை செய்யப்பட்டு வருகிறது.