புதிய ஹேட்ச்பேக், செடான் கார்களை அறிமுகம் செய்யும் டாடா

மாற்று மாடல்கள்

விஸ்டா, மான்ஸா கார்களுக்கு மாற்றாக இந்த புதிய கார்கள் நிலைநிறுத்தப்பட உள்ளன. மேலும், டிசைனில் சிறிய வித்தியாசங்களுடன் இந்த கார்கள் வர இருப்பதாக டாடா வட்டாரங்கள் தெரிவிக்கின்றன.

ஃபால்கன் 4

ஃபால்கன் 4 என்ற குறியீட்டு பெயரில் புதிய ஹேட்ச்பேக் கார் தற்போது வடிவமைக்கப்பட்டுள்ளது. ஸீட்டா காரில் பயன்படுத்தப்படும் 1.2 லிட்டர் டர்போ பெட்ரோல் எஞ்சின் மற்றும் ஃபியட்டின் 1.3 லி மல்டிஜெட் எஞ்சினுடன் இந்த புதிய கார் வர இருக்கிறது.

ஐரோப்பிய டிசைன்

டாடா மோட்டார்ஸ் நிறுவனத்தின் ஐரோப்பிய டிசைன் மையத்தில்தான் புதிய ஃபால்கன் 4 ஹேட்ச்பேக் கார் வடிவமைக்கப்பட்டுள்ளது. எனவே, ஐரோப்பிய மார்க்கெட்டில் உலவும் ஹேட்ச்பேக் கார்களின் டிசைன் தாத்பரியம் இந்த புதிய காரிலும் பயன்படுத்தப்பட்டிருக்கும் என தெரிகிறது.

ஃபால்கன் 5

இது மான்ஸா காருக்கான புதிய மாற்று மாடலாக அறிமுகம் செய்யப்பட உள்ளது. இந்த காரிலும் ஃபியட்டின் 1.3 லிட்டர் மல்டிஜெட் டீசல் எஞ்சின் மற்றும் 1.2 லிட்டர் டர்போ பெட்ரோல் எஞ்சினுடன் வரும் என எதிர்பார்க்கப்படுகிறது.

எஞ்சின்கள்

இந்த 2 புதிய கார்களிலும் பயன்படுத்தப்படும் எஞ்சின்கள் டாடா மோட்டார்ஸ் வடிவமைத்து வரும் புதிய தலைமுறை எஞ்சின்களாக இருக்கும்.இவை, நவீன தொழில்நுட்ப அம்சங்களையும், அதிசக்தி வாய்ந்ததாகவும் இருக்கும் என்றும் தகவல்கள் தெரிவிக்கின்றன.

அறிமுகம்

டெல்லி ஆட்டோ எக்ஸ்போவில் இந்த புதிய கார்கள் பார்வைக்கு வைக்கப்பட உள்ளன. அடுத்த ஆண்டு பண்டிகை காலத்துக்கு முன்னதாக முதலில் செடான் காரும், அடுத்து ஹேட்ச்பேக் காரும் வர இருக்கிறது.