ஃபேஸ்புக்கில் 3 மில்லியன் ரசிகர்களை பெற்ற நானோ கார்!

நானோ காரின் விற்பனையை அதிகரிப்பதற்கு டாடா அனைத்து வழிகளிலும் நடவடிக்கைகளை மேற்கொண்டு வருகிறது. சமூக தளங்கள் வழியாக நானோ கார் வாடிக்கையாளர்களை கவரும் முயற்சிகளும் எடுக்கப்பட்டு வருகின்றன.

மேலும், நானோவை மையமாக வைத்து பல்வேறு போட்டிகள் மற்றும் இதர பிரபலப்படுத்தும் முயற்சிகளையும் டாடா மேற்கொண்டது.

இந்த நிலையில், கார் நிறுவனங்களின் முக்கிய ஆயுதமாக மாறியிருக்கும் சமூக வலைதளமான ஃபேஸ்புக்கில் இதுவரை 3 மில்லியன் ரசிகர்களை பெற்றுள்ளது நானோ கார்.

ஃபேஸ்புக்கில் அதிக ரசிகர்களை பெற்ற முதல் கார் மாடலும் நானோதான். ஃபேஸ்புக்கில் ரசிகர் பக்கம் துவங்கப்பட்டு வெறும் 12 மாதங்களில் இந்த ரசிகர் பலத்தை நானோ பெற்றுள்ளது.