ஃபோர்டு ஈக்கோஸ்போர்ட்டுக்கு ரகசிய புக்கிங் துவங்கியது!

பிளாட்பார்ம்

உலக அளவில் விற்பனை செய்வதற்கு ஏற்ற வகையில் கடந்த ஆண்டு ஃபோர்டு உருவாக்கிய புதிய குளோபல் பிளாட்பார்மில் இந்த எஸ்யூவி வடிவமைக்கப்பட்டிருக்கிறது.

வரிச்சலுகை கிடைக்கும்

இந்திய மாடலின் சிறப்பு இந்தியாவில் அறிமுகம் செய்யப்பட இருக்கும் ஈக்கோஸ்போர்ட் வரிச்சலுகை பெறும் விதத்தில் 4 மீட்டருக்கும் குறைவான நீளத்துடன் வடிவமைக்கப்பட்டுள்ளது.

டஸ்ட்டருக்கு நெருக்கடி

பிரேசில் மார்க்கெட்டில் ஏற்கனவே அறிமுகம் செய்யப்பட்டுவிட்ட ஈக்கோஸ்போர்ட் அங்கு ரெனோ டஸ்ட்டருக்கு கடும் போட்டியை கொடுத்து வருகிறது. இந்தியாவிலும் ரெனோ டஸ்ட்டருக்கு கடும் போட்டியை கொடுக்கும்.

எஞ்சின் விபரம்

எஞ்சின் புதிய 1.0 லிட்டர் ஈக்கோபூஸ்ட் பெட்ரோல் எஞ்சின் பொருத்தப்பட்டிருக்கும். இந்த எஞ்சின் 1.6 லிட்டர் எஞ்சினுக்கு இணையான ஆற்றலை வெளிப்படுத்தும் என்பதோடு அதிக மைலேஜையும் தரும். ஃபியஸ்ட்டாவில் பொருத்தப்பட்டிருக்கும் அதே 1.5 லிட்டர் டீசல் எஞ்சின்தான் ஈக்கோஸ்போர்ட்டிலும் பொருத்தப்பட உள்ளது.

கியர் பாக்ஸ்

முதலில் மேனுவல் கியர்பாக்ஸ் மாடலும், பின்னர் ஆட்டோமேட்டிக் கியர் பாக்ஸ் மாடலும் அறிமுகம் செய்யப்பட உள்ளது.

இரண்டாம் தலைமுறை மாடல்

இந்தியாவில் முதன்முறையாக அறிமுகமாக இருக்கும் ஃபோர்டு ஈக்கோஸ்போர்ட் இரண்டாம் தலைமுறை கார். மேலும், சிறந்த இன்டிரியரை கொண்டிருக்கும்.

ஈக்கோஸ்போர்ட்டுக்கு பல்க் முதலீடு

சென்னையில் உள்ள ஃபோர்டு ஆலையில்தான் ஈக்கோஸ்போர்ட் உற்பத்தி செய்யப்பட உள்ளது. இதற்காக, ரூ.750 கோடி முதலீட்டில் உற்பத்தி பிரிவுகளை அமைத்துள்ளது ஃபோர்டு. புதிய உற்பத்தி பிரிவில் பணிபுரிவதற்காக 400 புதிய தொழிலாளர்களும் நியமிக்கப்பட்டுள்ளனர்.

இடவசதி

5 பேர் தாராளமாக அமர்ந்து பயணம் செய்யும் வசதியை கொண்டிருக்கும். மேலும், பின்புறத்தில் இரண்டு சிறிய இருக்கைகளை பொருத்தவும் ஃபோர்டு திட்டமிட்டுள்ளது.

எதிர்பார்க்கும் விலை

ரூ.7 லட்சம் முதல் ரூ.9 லட்சம் விலையில் புதிய ஈக்கோஸ்போர்ட் அறிமுகமாகும் என தெரிகிறது.