டைகுன் மினி எஸ்யூவி உற்பத்திக்கு ஃபோக்ஸ்வேகன் க்ரீன் சிக்னல்!

4 மீட்டர் எஸ்யூவி

4 மீட்டர் நீளத்துக்குள் வடிவமைக்கப்பட்டிருக்கும் இந்த காம்பெக்ட் எஸ்யூவிக்கு பெரும் வரவேற்பு கிடைக்கும் என்று ஃபோக்ஸ்வேகன் கருதுகிறது.

டிசைன்

3.86 மீட்டர் நீளம், 1.73 மீ அகலம், 1.57 மீ உயரம் கொண்டதாக இருக்கும்.

அப் எஞ்சின்

அப் ஹேட்ச்பேக் காரில் பொருத்தப்பட்டிருக்கும் 60பிஎஸ் மற்றும் 75 பிஎஸ் பவரை வெளிப்படுத்தும் 3 சிலிண்டர் 1.0 லிட்டர் பெட்ரோல் எஞ்சின் இந்த எஸ்யூவியிலும் பொருத்தப்பட வாய்ப்பு இருக்கிறது. ஆனால், அதிக சக்தியை வெளிப்படுத்தும் திறன் கொண்டதாக மாற்றி பொருத்தப்படலாம். 5 ஸ்பீடு மேனுவல் டிரான்ஸ்மிஷன் துணைபுரியும்.

இந்தியாவுக்கு எப்போது?

2015ல் சர்வதேச பயணத்தை துவங்கும் இந்த புதிய காம்பெக்ட் எஸ்யூவி, 2016ம் ஆண்டில் இந்தியாவில் விற்பனைக்கு வருகிறது.

போட்டியாளர்கள்

காம்பெக்ட் எஸ்யூவி மார்க்கெட்டில் கடும் போட்டி நிலவுகிறது. சர்வதேச அளவில் சுஸுகி ஜிம்னி, ஃபியட் பான்டா கார்களுக்கும், இந்தியாவில் ஃபோர்டு ஈக்கோஸ்போர்ட்டுக்கும் போட்டியாக இருக்கும்.

விலை

இந்தியாவில் 4 மீட்டருக்கும் குறைவான நீளம் கொண்ட கார்களுக்கு தற்போது வரிச்சலுகை கிடைக்கிறது. ஆனால், இந்த கார் 2016ல்தான் விற்பனைக்கு வரும். அப்போதும் வரிச்சலுகை தொடர்ந்தால் ஃபோர்டு ஈக்கோஸ்போர்ட்டுக்கு கடும் நெருக்கடியை கொடுக்கும் விலையில் விற்பனைக்கு வரும்.