ஃபோர்டு இந்தியா இணையதளத்தில் முகம் காட்டிய புதிய ஃபியஸ்ட்டா!

அஸ்டன் மார்ட்டின் முகம்

முகப்பு கிரில் அஸ்டன் மார்ட்டின் கார்களின் டிசைனை ஒத்ததாக இருக்கிறது. மேலும், கிரில்கள் பிளாஸ்டிக்குக்கு பதிலாக குரோம் பட்டைகள் கொடுக்கப்பட்டுள்ளன. இதனால், காரின் தோற்றம் பிரிமியமாக காட்சி தருகிறது.

பம்பர்

முன்புறம் மற்றும் பின்புற பம்பர்களின் டிசைன் மாற்றப்பட்டிருக்கிறது. ஹெட்லைட்டுகள், பனி விளக்குகள் அறையின் டிசைனும் மாற்றங்கள் செய்யப்பட்டுள்ளன.

பின்புற டிசைன்

பின்புறத்தில் டெயில் லைட்டுகள், பம்பர் டிசைன் மாற்றப்பட்டிருக்கிறது.

டிஃபியூசர்

பம்பருடன் இயைந்திருக்கும் டிஃபியூசரும் காருக்கு ஸ்போர்ட்டியான தோற்றத்தை கொடுக்கிறது.

உறுதியான பாடி

புதிய ஃபோர்டு ஃபியஸ்ட்டாவின் பாடி போரோன் ஸ்டீல் என்ற கலப்பு உலோகத்தால் தயாரிக்கப்பட்டிருக்கிறது. இது சாதாரண ஸ்டீலை விட 4 மடங்கு கூடுதல் உறுதிகொண்டதாக ஃபோர்டு தெரிவிக்கிறது.

அலாய் வீல்

புதிய டிசைனிலான அலாய் வீல்களும் காருக்கு கூடுதல் மதிப்பை தருகிறது. ஆனால், இது டாப் வேரியண்ட்டில் மட்டுமே கிடைக்கும்.

சிங்க் தொழில்நுட்பம்

இந்த காரில் ஃபோர்டு சிங்க் தொழில்நுட்பம் கொடுக்கப்பட்டுள்ளது. இதன்மூலம், ரேடியோ, அவசர கால உதவி, மொபைல்போன் அழைப்புகளை வாய்மொழி உத்தரவுகள் மூலம் இயக்கும் வசதிகளை தரும்.

புஷ் பட்டன் ஸ்டார்ட்

இந்த காரில் புஷ் பட்டன் ஸ்டார்ட், ரெயின் சென்சிங் வைப்பர்கள், தானியங்கி ஹெட்லைட்டுகள் போன்ற நவீன வசதிகள் உள்ளன. இவை டாப் வேரியண்ட் மாடலில் கிடைக்கும். உட்புறத்தில் டியூவல் டோன் இன்டிரியர் கொண்டதாக இருக்கும்.

எஞ்சின்

புதிய ஃபோர்டு ஃபியஸ்ட்டா காரில் 90 பிஎஸ் பவரை அளிக்கும் 1.5 லிட்டர் டிடிசிஐ டீசல் எஞ்சின் பொருத்தப்பட்டிருக்கும். 5 ஸ்பீடு மேனுவல் டிரான்ஸ்மிஷன் கொண்டது.