ஆடி பிரியர்களுக்கு ஓர் குட் நியூஸ்... கிராஷ் டெஸ்ட்டில் அசத்திய ஏ3 கார்!

அதிகபட்ச தர அந்தஸ்து

அமெரிக்க நெடுஞ்சாலை காப்பீட்டு கழக அமைப்பு(IIHS) நடத்திய இந்த கிராஷ் டெஸ்ட்டில் டாப் சேஃப்டி பிக்+ என்ற அதிகபட்ச மதிப்பீட்டை பெற்றிருக்கிறது. மொத்தம் 5 விதமான கிராஷ் டெஸ்ட் சோதனைகளுக்கு இந்த புதிய கார் உட்படுத்தப்பட்டது.

5 கோணங்களில் சோதனை

முன்புறம், கூரையின் வலிமை, பயணிகளுக்கான பாதிப்பு, பக்கவாட்டில் காருக்கு ஏற்படும் பாதிப்பு போன்றவை குறித்து பல்வேறு கோணங்களில் மோதச் செய்து காரின் பாதுகாப்பு அம்சங்கள் மதிப்பிடப்பட்டன.

நன்று மதிப்பீடு

அனைத்து பிரிவுகளிலும் நன்று என்ற மதிப்பீட்டை இந்த கார் பெற்றிருக்கிறது. காரில் பொருத்தப்பட்டிருந்த டம்மி எனப்படும் மனித பொம்மைகளின் கால்கள் மற்றும் தலையில் ஏற்படும் காயங்கள் மிக குறைவாக இருந்ததாக தெரிவிக்கப்பட்டுள்ளது.

ஏர்பேக் செயல்பாடு

இந்த காரில் பொருத்தப்பட்டிருக்கும் காற்றுப் பைகளின் செயல்பாடும் மிகவும் திருப்திகரமாக இருந்ததாக தெரிவிக்கப்பட்டுள்ளது.

வீடியோ

ஆடி ஏ3 சொகுசு செடான் காரின் கிராஷ் டெஸ்ட் வீடியோ.