லேசர் ஹெட்லைட்டுகளுடன் வரும் புதிய ஆடி ஸ்போர்ட்ஸ் கார்!

வேகத்துக்கு தக்கவாறு...

60 கிமீ வேகத்தை கார் தாண்டும்போது லேசர் ஹெட்லைட்டுகளின் பிரகாசமும், ஒளியை பாய்ச்சும் தூரமும் அதிகரிக்கும். எல்இடி ஹெட்லைட்டுகளும் இந்த காரில் கொடுக்கப்பட்டுள்ளன.

கண்கூச்சம் இருக்காது

எதிரில் வரும் வாகன ஓட்டிகளுக்கு இந்த ஹெட்லைட்டுகளிலிருந்து வெளிவரும் ஒளி அதிக கண் கூச்சம் தராது என்பது இதன் மற்றொரு கூடுதல் அம்சம். இது எல்இடி ஹெட்லைட்டுகளைவிட இரட்டிப்பு ஒளி வெள்ளத்தை வழங்கும்.

லேசர் சிஸ்டம்

ஒரு ஹெட்லைட்டுக்கு தலா 4 அதிசக்திவாய்ந்த லேசர் டயோடுகளை கொண்டிருக்கும். அதிலிருந்து வரும் நீல நிற லேசர் ஒளிக்கற்றைகளை பாஸ்பர் கன்வெர்ட்டர் சாதனம் வெண்மை நிற ஒளியாக மாற்றி சாலையில் பீய்ச்சியடிக்கும். 5,500 கெல்வின் வெண்மை நிற ஒளியை இந்த லேசர் ஹெட்லைட்டுகள் வழங்கும் திறன் கொண்டது.

எஞ்சின்

இந்த ஸ்போர்ட்ஸ் காரில் 570 எச்பி பவரையும், 540 என்எம் டார்க்கையும் அதிகபட்சமாக வழங்கும் திறன் கொண்ட 5.2 லிட்டர் வி10 எஞ்சின் பொருத்தப்பட்டு இருக்கிறது. குவாட்ரோ ஆல் வீல் டிரைவ் சிஸ்டம் கொண்ட இந்த ஆடி கார் 0- 100 கிமீ வேகத்தை இந்த கார் 3.4 வினாடிகளில் எட்டிவிடும். மணிக்கு 320 கிமீ வேகம் வரை செல்லும் வல்லமை கொண்டது. கார்பன் ஃபைபர் போன்ற இலகு ரக பாகங்களால் கட்டமைக்கப்பட்ட இந்த கார் லிட்டருக்கு 7.74 கிமீ மைலேஜ் தரும் என்று தெரிவிக்கப்பட்டுள்ளது.

விலை

இங்கிலாந்தில் செப்டம்பர் - நவம்பர் மாதங்களுக்கு இடையில் விற்பனைக்கு வர இருக்கும் இந்த புதிய ஆடி ஸ்போர்ட்ஸ் கார் 1,60,025 பவுண்ட் விலையில், அதாவது இந்திய மதிப்பில் ரூ.1.60 கோடி விலையில் விற்பனைக்கு வர இருக்கிறது.