எலக்ட்ரிக் டர்போசார்ஜருடன் ஆடியின் புதிய கான்செப்ட் கார் அறிமுகம்

டர்போ லேக் பிரச்னை

இந்த புதிய எலக்ட்ரிக் டர்போசார்ஜர் எஞ்சின் குறித்த தகவல்களை ஆடி வெளியிட்டுள்ளது. இந்த புதிய எலக்ட்ரிக் டர்போசார்ஜர் கொண்ட எஞ்சின் வியக்க வைக்கும் பெர்ஃபார்மென்ஸை வழங்கும் என்பதோடு, டர்போ லேக் இருக்காது என்று தெரிவிக்கப்படுகிறது. இதனால், சிறப்பான பெர்ஃபார்மென்ஸை உணர முடியும்.

பெர்ஃபார்மென்ஸ் அதிகம்

எஞ்சின் ஆற்றலின் துணையுடன் சாதாரண டர்போசார்ஜர்களைவிட இந்த மின்சார டர்போசார்ஜரில் உள்ள கம்பரஷர் மிக அதிக அழுத்தத்தில் காற்றை எஞ்சினுக்குள் செலுத்தும் ஆற்றல் கொண்டதாக இருக்கும். இந்த எலக்ட்ரிக் டர்போசார்ஜர் இயக்கத்திற்காக லித்தியம் அயான் பேட்டரி ஒன்றும் கொடுக்கப்பட்டுள்ளது.

எஞ்சின் விபரம்

ஆடி ஆர்எஸ்5 கான்செப்ட் காரில் இருக்கும் வி6 பை- டர்போ எஞ்சின் 1,250ஆர்பிஎம் முதல் 2,000 ஆர்பிஎம்.,மில் 385 பிஎஸ் பவரையும், 750 என்எம் டார்க்கையும் வழங்கும் ஆற்றல் கொண்டதாக இருக்கும். 0- 100 கிமீ வேகத்தை வெறும் 4 வினாடிகளிலும், 0- 200 கிமீ வேகத்தை 16 வினாடிகளிலும் கடந்துவிடும்.

சிறப்பான மைலேஜ்

இது பெர்ஃபார்மென்ஸ் காராக இருப்பதோடு, எரிபொருள் சிக்கனத்திலும் மிகச்சிறப்பாக இருக்கும் என்கின்றனர். 100 கிமீ தொலைவுக்கு 5.3 லிட்டர் மட்டுமே எரிபொருளை கிரகிக்கும்.

க்யூ-7 எஸ்யூவியிலும்...

இதே எலக்ட்ரிக் டர்போசார்ஜர் துணையுடன் இயங்கும் டீசல் எஞ்சின் ஆடியின் புதிய க்யூ7 பிரிமியம் எஸ்யூவியிலும் இடம்பிடிக்க இருப்பதாக செய்திகள் வெளியாகியுள்ளதால் ஆடி பிரியர்கள் மத்தியில் பெரும் ஆவல் எழுந்துள்ளது.