பிரதமர் மோடி பயன்படுத்தும் பிஎம்டபிள்யூ கார் இந்தியாவில் விற்பனைக்கு வந்தது!

தோற்றம்

பிஎம்டபிள்யூ 7 சீரிஸ் காருக்கும் இந்த ஹை செக்யூரிட்டி மாடலுக்கும் தோற்றத்தில் வித்தியாசங்கள் காண முடியாது. அதேநேரத்தில் இந்த ஹை செக்யூரிட்டி மாடலில் உறுதிமிக்க சேஸீயும், பிரத்யேக சஸ்பென்ஷன் அமைப்பும் கொண்டது.

விருப்பம்போல் வசதிகள்

வாடிக்கையாளர்களின் விருப்பத்திற்கேற்பவும், சரியான விலையிலும் கூடுதல் பாதுகாப்பு அம்சங்களையும், வசதிகளையும் கஸ்டமைஸ் செய்து கொடுக்கிறது பிஎம்டபிள்யூ கார் நிறுவனம்.

சொகுசு கார்

கூடுதல் பாதுகாப்பு வசதிகள் கொண்டிருப்பதால் அதிக எடைகொண்டதாக இருக்கும். அதேநேரத்தில் சொகுசான பயணத்தையும், வசதிகளையும் ஒருங்கே வழங்கும். மேலும், வாடிக்கையாளர் நலன் கருதி காரில் பொருத்தப்பட்டிருக்கும் பாதுகாப்பு வசதிகள் குறித்த விபரத்தை பிஎம்டபிள்யூ வெளியிடாது என்றும் தெரிவிக்கப்பட்டுள்ளது.

ஓட்டுனர்களுக்கு விசேஷ பயிற்சி

இந்த காரில் இருக்கும் பாதுகாப்பு வசதிகளை உரிய நேரத்தில் இயக்குவதற்கும், அவசர காலங்களில் காரை எவ்வாறு இயக்கி பயணிகளை பத்திரமாக கொண்டு செல்வது என்பது குறித்து வாடிக்கையாளர்களின் டிரைவருக்கு சிறப்பு பயிற்சியை பிஎம்டபிள்யூ தனது நிபுணர்களின் வாயிலாக வழங்கும்.

எஞ்சின்

பிஎம்டபிள்யூ 7 சீரிஸ் ஹை செக்யூரிட்டி எடிசன் காரின் எஞ்சின் அதிகபட்சமாக 439 எச்பி பவரை அளிக்கும் வல்லமை கொண்டது. 0- 100 கிமீ வேகத்தை 7.5 வினாடிகளில் எட்டிவிடும். 6 ஆட்டோமேட்டிக் டிரான்ஸ்மிஷன் பொருத்தப்பட்டிருக்கிறது.

மோப்ப சக்தி

வெடிகுண்டுகளை கண்டறியும் வெப்ப சென்சார்கள், செயற்கைகோள் தொடர்பு சாதனம் போன்ற பல வசதிகள் உள்ளன. ஏவுகணை மற்றும் ரசாயனத் தாக்குதலிலிருந்து கூட பாதுகாப்பு தரும்.

பொதுவான பாதுகாப்பு வசதிகள்

குண்டு துளைக்காத கண்ணாடிகள், கண்ணி வெடி மற்றும் குண்டு வெடிப்புகளில் சேதமடையாத பாடி, தீப்பிடிக்காத பெட்ரோல் டேங்க், ரன் ஃப்ளாட் டயர்கள் ஆகியவை இந்த காரில் இருக்கும் பொதுவான பாதுகாப்பு வசதிகளாகும்.