நாவில் தேனூற வைக்கும் புதிய ஃபியட் பான்டா கிராஸ் இந்தியா வருமா?

வடிவமைப்பு

பான்டா 4x4 மாடலின் அடிப்படையில் கூடுதலாக ஆஃப்ரோடு ஆக்சஸெரீஸ்கள் சேர்த்து வடிவமைக்கப்பட்டிருக்கும் இந்த புதிய பான்டா கிராஸ் இந்தியாவில் விற்பனை செய்யப்படும் பிரிமியர் ரியோ எஸ்யூவிக்கு இணையான பரிமாணங்களை கொண்டது. இந்த எஸ்யூவியில் 90 எச்பி பவரையும், 145 என்எம் டார்க்கையும் அளிக்கும் 0.9லிட்டர் ட்வின் டர்போ பெட்ரோல் எஞ்சின் பொருத்தப்பட்டிருக்கிறது. டீசல் மாடலில் 1.3 லிட்டர் மல்டிஜெட் எஞ்சின் பொருத்தப்பட்டுள்ளது. இது 80 எச்பி பவரையும், 190 என்எம் டார்க்கையம் அளிக்கும்.

முகப்பு

அலுமினியம் ஸ்கிட் பிளேட், எல்இடி பகல்நேர ரன்னிங் விளக்குகள், ஹெட்லைட்டுகளுக்கு அருகில் கொடுக்கப்பட்டிருக்கும் பனி விளக்குகள் என ஒரு சிறப்பான முக அமைப்பை கொண்டுள்ளது.

பக்கா டிசைன்

பக்கவாட்டில் பிளாஸ்டிக் கிளாடிங் கொடுக்கப்பட்டுள்ளன. பின்புற கதவின் கீழ் கிராஸ் என்ற பேட்ஜ் பொறிக்கப்பட்ட பட்டை கொடுக்கப்பட்டுள்ளது. ஆஃப் ரோடு டயர்கள், புதிய அலாய் வீல்கள், ரூஃப் ரெயில்கள் என அசத்தலாக இருக்கிறது.

பின்புற டிசைன்

பின்புறம் மிக எளிமையான டிசைன் அமைப்பை கொண்டிருக்கிறது. ஸ்கிட் பிளேட், மூன்று பிரிவுகளை கொண்ட டெயில்லைட்டுகள் முக்கிய அம்சங்களாக கூறலாம்.

இன்டிரியர்

பழுப்பு மற்றும் கருப்பு வண்ணக் கலவையிலான டூ டோன் இன்டிரியர் அசத்துகிறது. ஸ்டீயரிங் வீல் டிசைனும் பிரத்யேக டிசைன் கொண்டதாக உளளது. ஏசி வென்ட்டுகள், மியூசிக் சிஸ்டம் மற்றும் இதர கட்டுப்பாட்டு சுவிட்சுகள் தனித்தனியாக கொடுக்கப்பட்டுள்ளன.

இந்தியாவுக்கு எப்போது?

நடப்பு ஆண்டில் புன்ட்டோ அடிப்படையிலான புதிய அவென்ட்டியூரா என்ற கிராஸ்ஓவரை ஃபியட் விற்பனைக்கு கொண்டு வர இருக்கிறது. இதைத்தொடர்ந்து, புதிய புன்ட்டோ எவோ காரும் வர இருக்கிறது. இதைத்தொடர்ந்து, பல புதிய மாடல்களை கொண்டு வந்து இறக்க ஃபியட் திட்டமிட்டுள்ளது. அதில், ஃபியட் பான்டா கிராஸ் காருக்கும் இடமிருக்கும் என்று எதிர்பார்க்கப்படுகிறது.