சிறப்பான முன்பதிவு எண்ணிக்கையை பதிவு செய்த புதிய எலைட் ஐ20 கார்

புதிய ஹூண்டாய் எலைட் ஐ20 காருக்கு இதுவரை 12,000 பேர் முன்பதிவு செய்துள்ளனர்.

கடந்த 11ந் தேதி புதிய ஹூண்டாய் எலைட் ஐ20 கார் விற்பனைக்கு கொண்டு வரப்பட்டது. டிசைன் மாற்றங்கள், கூடுதல் வசதிகளுடன் வந்த புதிய எலைட் ஐ20 கார் வாடிக்கையாளர்களிடம் நல்ல வரவேற்பை பெற்றுள்ளது.

புதிய ஹூண்டாய் எலைட் ஐ20 காரில் 82 பிஎச்பி பவரையும், 115 என்எம் டார்க்கையும் அளிக்கும் 1.2 லிட்டர் பெட்ரோல் எஞ்சின் மற்றும் 89 பிஎச்பி பவரையும், 220 என்எம் டார்க்கையும் அளிக்கும் 1.4 லிட்டர் டர்போசார்ஜ்டு டீசல் எஞ்சினுடன் விற்பனைக்கு கிடைக்கிறது.

விரைவில் டீசல் மாடலில் 4 ஸ்பீடு ஆட்டோமேட்டிக் மாடலும் அறிமுகம் செய்யப்படும் என எதிர்பார்க்கப்படுகிறது. ஹூண்டாய் நிறுவனத்தின் புதிய ப்ளூயிடிக் டிசைன் கான்செப்ட்டில் வடிவமைக்கப்பட்டிருக்கும் இந்த புதிய எலைட் ஐ20 காரும் டிசைனில் வாடிக்கையாளர்களை கவர்ந்து வருகிறது.

எனவே, முன்பதிவு எண்ணிக்கை தொடர்ந்து நல்ல எண்ணிக்கையை பதிவு செய்யும் என எதிர்பார்க்கப்படுகிறது.