புதிய 1.0 லிட்டர் பெட்ரோல் எஞ்சினுடன் ஹூண்டாய் இயான் கார் அறிமுகம்

ஐ10 எஞ்சின்

ஐரோப்பிய மார்க்கெட்டில் விற்பனை செய்யப்படும் ஹூண்டாய் ஐ10 காரில் இருக்கும் அதே 1.0 லிட்டர் எஞ்சின் தற்போது இயான் காரில் பொருத்தப்பட்டிருக்கிறது.

பவர்

டட்சன் காரின் எஞ்சின் 67 பிஎச்பி பவர் கொண்டது. தற்போது வந்திருக்கும் புதிய இயான் காரின் எஞ்சின் 65 பிஎச்பி ஆற்றலையும், 95 என்எம் டார்க்கையும் அளிக்கும்.

ஒரே வேரியண்ட்

புதிய 1.0 லிட்டர் எஞ்சின் பொருத்தப்பட்ட இயான் கார் மேக்னா வேரியண்ட்டில் மட்டுமே கிடைக்கும். ஏசி, பவர் ஸ்டீயரிங், முன்புற பவர் விண்டோஸ், எஞ்சின் இம்மொபைலைசர், கீலெஸ் என்ட்ரி சிஸ்டம் ஆகிய வசதிகள் இருக்கும். ஆனால், ஆடியோ சிஸ்டம் இல்லை.

விலை

ரூ.3.85 லட்சம் மும்பை எக்ஸ்ஷோரூம் விலையில் புதிய 1.0 லிட்டர் இயான் கார் விற்பனைக்கு கிடைக்கும். தற்போது இந்த மாடலுக்கு முன்பதிவு துவங்கப்பட்டுள்ளது. அடுத்த மாதம் முதல் டெலிவிரி கொடுக்கப்படும் என்று எதிர்பார்க்கப்படுகிறது.