லம்போ ஹூராகென் சூப்பர் காரின் ரேஸ் மாடல் அறிமுகம்!

கல்லார்டோ ரேஸ் மாடலுக்கு மாற்று

பிளாங்க்பெயின் ரேஸில் பயன்படுத்தப்பட்டு வரும் லம்போ கல்லார்டோ ரேஸ் மாடலுக்கு மாற்றாக இந்த புதிய ஹூராகென் காரின் ரேஸ் மாடலை லம்போர்கினி அறிமுகம் செய்துள்ளது.

மேட் ஃபினிஷ்

இந்த கார் மேட் ஃபினிஷ் செய்யப்பட்டிருக்கிறது. சாம்பல் வண்ணத்தில், சிவப்பு நிற கோடுகளால் அலங்கரிக்கப்பட்டுள்ளது. இந்த கார் சாதாரண ஹூராகென் காரைவிட 152 கிலோ எடை குறைவானது.

ஆக்சஸெரீஸ்கள்

10 நிலைகளில் மாற்றக்கூடிய ரியர் விங், ரோல் கேஜ், ரியர் டிஃபியூசர், முன்புறத்தில் கார்பன் ஃபைபர் ஸ்பிளிட்டர்கள், அட்ஜெஸ்ட்டபிள் ஏர் இன்டேக்ஸ், டிஜிட்டல் இன்ஸ்ட்ரூமென்ட் கன்சோல் என பல பிரத்யேக ஆக்சஸெரீஸ்களை கூடுதலாக பெற்றுள்ளது.

எஞ்சின்

சாதாரண ஹூராகென் காரில் இருக்கும் அதே வி10 எஞ்சின்தான் உள்ளது. ஆனால், 10 எச்பி பவரை கூடுதலாக அளிக்கும் விதத்தில் ட்யூனிங் செய்யப்பட்டுள்ளது. டியூவல் கிளட்ச் கியர் பாக்ஸ் கொம்டது.

விலை

இந்த கார் 3 லட்சம் பவுண்ட் விலையில் விற்பனைக்கு உள்ளதாக லம்போ வட்டாரத் தகவல்கள் தெரிவிக்கின்றன.