புதிய எலக்ட்ரிக் ஃபார்முலா-1 காரை காட்சிக்கு வைக்கும் மஹிந்திரா ரேவா!

அடுத்த வாரம் துவங்க இருக்கும் சர்வதேச ஆட்டோமொபைல் கண்காட்சியில் புதிய எலக்ட்ரிக் ஸ்போர்ட்ஸ் கார் கான்செப்ட் மற்றும் எலக்ட்ரிக் ஃபார்முலா- 1 கார்களை மஹிந்திரா ரேவா பார்வைக்கு வைக்க உள்ளது.

இதில், ஸீரோ எமிசன் கொண்ட பேட்டரியில் இயங்கும் ஃபார்முலா- 1 கார் பார்வையாளர்களை வெகுவாக கவரும் என்று எதிர்பார்க்கப்படுகிறது.

இதுதவிர, புதிய இ2ஓ எலக்ட்ரிக் கார் மற்றும் வெரிட்டோ எலக்ட்ரிக் மாடல்களையும் மஹிந்திரா ரேவா நிறுவனம் அறிமுகம் செய்ய இருக்கிறது.

புதிய இ2ஓ எலக்ட்ரிக் காரில் குறைந்த நேரத்தில் சார்ஜ் செய்யும் வசதி கொண்ட புதிய சார்ஜிங் சிஸ்டம் இருக்கும் என்று தெரிவிக்கப்படுகிறது. ஆட்டோமொபைல் கண்காட்சியில் அறிமுகம் செய்யப்பட்ட உடன் இந்த புதிய இ2ஓ காருக்கான முன்பதிவும் துவங்க உள்ளது.

மேக்ஸிமோ எலக்ட்ரிக் மாடலும் கண்காட்சியில் இடம்பெற உள்ளது. இதன்மூலம், வர்த்தக மார்க்கெட்டிலும் எலக்ட்ரிக் வாகனங்களுக்கு மஹிந்திரா ரேவா அடித்தளமிடுகிறது.