பஸ்சுடன் மோதி சுக்குநூறான லம்போர்கினி கார்!

வேகம்

மணிக்கு 80 கிமீ வேகத்தில் பஸ்சுடன் மோதியுள்ளது அந்த லம்போர்கினி கார்.

பலத்த சேதம்

மோதிய வேகத்தில் காரின் வலது பக்கம் முழுவதும் பலத்த சேதமடைந்தது. அதேவேளை, ஓட்டுனர் அமர்ந்திருந்த பக்கம் அதிக பாதிப்பு இல்லாததால் உயிர் தப்பினார்.

இன்ஸ்யூரன்ஸ் கிடைக்காதாம்

விபத்தில் சிக்கிய லம்போர்கினி காரில் பதிவெண் பலகை இல்லாமல் வந்துள்ளதால், காப்பீடு நிறுவனத்திடம் இருந்து இழப்பீடு கிடைக்காது என அந்நாட்டு மீடியாக்கள் செய்தி வெளியிட்டுள்ளன.

உயிர் காத்த காற்றுப் பை

ஓட்டுனர் பக்கம் அதிக பாதிப்பு இல்லையென்றாலும், உயிர் காக்கும் காற்றுப் பை விரிந்ததால், ஓட்டுனர் சிறிய காயங்களுடன் உயிர் தப்பியதாக தெரிவிக்கப்பட்டது.

மாடல்

விபத்துக்குள்ளான லம்போர்கினி கார் 700 எச்பி பவர் கொண்ட எல்பி- 700 -4 அவென்டேடார் மாடல் என அந்நாட்டு போலீசார் தெரிவித்தனர்.

விசேஷ வண்ணம்

விபத்துக்குள்ளான அவென்டேடார் கார் "அரன்சியோ அர்கோஸ்" என்ற பிரத்யேக வண்ணத்தை கொண்டது. சூரிய ஒளி, விளக்கொளியில் சிவப்பு நிறத்திலும், வெளிச்சம் குறைந்த நேரத்தில் ஆரஞ்ச் நிறத்திலும் மாறும் சிறப்பு கொண்டது.

வேகமே காரணம்

முதல் கட்ட விசாரணையில், அதிவேகத்தில் முந்த முயன்றதே விபத்துக்கு காரணம் என்றும் போலீசார் கூறியுள்ளனர். இதுகுறித்து விசாரணை நடத்தி வருகின்றனர்.