மாருதி ஓம்னி வேனின் 'கையேந்தி பவன்' கான்செப்ட்!

கையேந்தி பவன்

நடமாடும் உணவகம் போன்று ஓம்னி வேனில் பல வசதிகளை சிறப்பாக கொடுத்துள்ளனர். கடைசி வரிசை இருக்கையை எடுத்துவிட்டு, டேபிள், ப்ரிட்ஜ் போன்றவற்றை பொருத்தியுள்ளனர்.

வசதி

பின்புறத்தில் உணவுப் பொருட்களை வைத்து கொடுப்பதற்காக டேபிள் ஒன்றும், அதற்கு கீழே குளிர்பானங்களை வைத்துக் கொள்ள வசதியாக ப்ரிட்ஜும் பொருத்தப்பட்டுள்ளது.

மின் அடுப்பு

பின்புறத்தில் இருக்கும் டேபிளில் மின் அடுப்பு மற்றும் டோஸ்ட்டர் ஆகியவை உள்ளன. இதன்மூலம், உணவுப் பொருட்களை சுட சுட வாடிக்கையாளர்களுக்கு வழங்க முடியும்.

கூடுதல் வசதி

பக்கவாட்டில் உள்ள கண்ணாடி ஜன்னலில் ஒரு சிறிய பலகை பொருத்தப்பட்டுள்ளது. அதில், உணவுப் பொருட்களை ஆர்டர் செய்வதற்கும், பணத்தை செலுத்துவதற்கும் வசதியாக பயன்படுத்த முடியும்.

இது கான்செப்ட் மட்டுமே

இந்த கையேந்தி பவன் ஓம்னியில் உள்ள அமைப்பு, எவ்விதங்களில் ஓம்னியை வர்த்தக வாகனமாக தங்களது தொழிலுக்கு ஏற்றவாறு பயன்படுத்திக் கொள்ள முடியும் என்பதை காட்டுவதற்காகவே இந்த மாடலை காட்சிக்கு வைத்துள்ளதாக மாருதி தெரிவித்துள்ளது.