அடுத்த ஆண்டு இந்தியா வருகிறதா 7 சீட்டர் வேகன் ஆர்?!

கேட்டீங்களா விலையில்...

தற்போது மாருதி எர்டிகா மார்க்கெட்டில் நல்ல வரவேற்பை பெற்றிருக்கிறது. ரூ.8 லட்சம் முதல் ரூ.10 லட்சம் வரை பட்ஜெட் போடும் வாடிக்கையாளர்களுக்கு இந்த கார் சிறப்பான தேர்வாக இருக்கிறது. ஆனால், இந்த மார்க்கெட்டை உடைக்கும் விதததில் ரூ.5 லட்சத்திற்குள் டட்சன் கோ ப்ளஸ் கார் வரும் என்று தகவல்கள் தெரிவிக்கின்றன. எனவே, மார்க்கெட் பங்களிப்பை இழப்பதை தவிர்ப்பதற்காக ரூ.5 லட்சம் விலையில் புதிய 7 சீட்டர் வேகன் ஆர் கார் அறிமுகம் செய்யப்படும் வாய்ப்பு இருக்கிறது.

ஈக்கோ பிரயோஜனமில்லை

தற்போது மாருதியிடம் பட்ஜெட் விலையிலான ஈக்கோ என்ற 7 சீட்டர் எம்பிவி கார் இருந்தாலும், இது டட்சன் கோ ப்ளஸ் காருக்கு போட்டியை கொடுக்க இயலாது என்பதை மாருதி உணர்ந்து கொண்டுவிட்டது. 7 சீட்டர் வேகன் ஆர் மூலமாகவே இந்த நெருக்கடியை போக்க விரும்புகிறது.

4 மீட்டர் எம்பிவி

டட்சன் கோ ப்ளஸ் கார் போன்றே இந்த புதிய மாடலும் 4 மீட்டருக்கும் குறைவான நீளம் கொண்டதாக டிசைன் செய்யப்பட்டிருக்கிறது. மூன்று வரிசை இருக்கை அமைப்பு கொண்டதாக இருக்கும். பின் இருக்கையில் சிறியவர்கள் மட்டுமே அமரும் வசதி இருக்கும்.

எஞ்சின்

இந்த 7 சீட்டர் காரில் சாதாரண வேகன் ஆர் மாடலில் இருக்கும் அதே 1.0 லிட்டர் 3 சிலிண்டர் பெட்ரோல் எஞ்சினே பொருத்தப்பட்டிருக்கும். ஈக்கோ காரில் 1.2 லிட்டர் எஞ்சின் பொருத்தப்பட்டிருக்கும் நிலையில், இந்த காரில் 1.0 லிட்டர் எஞ்சின்தான் இருக்கும்.

வெற்றி பெறுமா?

இந்திய மார்க்கெட்டில் வேகன் ஆர் பிராண்டுக்கு நல்ல மதிப்பு இருக்கிறது. இந்த நிலையில், ரூ.6 லட்சத்திற்குள் ஒரு 7 சீட்டர் காரை கொடுத்தால் நிச்சயம் இந்திய வாடிக்கையாளர்கள் பெரிய வரவேற்பு தருவார்கள் என்று கருதலாம்.

Images Source:Kompas otomotif