விற்பனைக்கு வரும் முன்பே புதிய மாருதி சியாஸ் காருக்கு முன்பதிவு குவிகிறது!

முன்பதிவு/உற்பத்தி

இதுவரை 6,000 பேர் புதிய மாருதி சியாஸ் காருக்கு முன்பதிவு செய்துவிட்டனர். இதற்கு தகுந்தவாறு விற்பனைக்கு கொண்டு வருவதற்கு முன்னரே போதுமான கார்களை இருப்பு வைக்கும் விதமாக உற்பத்தியும் துவங்கப்பட்டுவிட்டது. இதுவரை 9,000 சியாஸ் கார்களை மாருதி உற்பத்தி செய்துவிட்டதாக தகவல்கள் கூறுகின்றன.

எஞ்சின் ஆப்ஷன்

பெட்ரோல் மற்றும் டீசல் விற்பனைக்கு வர இருக்கிறது. பெட்ரோல் மாடலில் 90.70 எச்பி பவரையும், 130 என்எம் டார்க்கையும் அளிக்கும் 1.4 லிட்டர் பெட்ரோல் எஞ்சின் பொருத்தப்பட்டிருக்கும். இதேபோன்று, டீசல் மாடலில் 88.73 எச்பி பவரையும், 200 என்எம் டார்க்கையும் அளிக்கும் 1.3 லிட்டர் ஃபியட் மல்டிஜெட் டீசல் எஞ்சின் பொருத்தப்பட்டிருக்கும்.

மைலேஜ்

மாருதி சியாஸ் கார் அதிக வரவேற்பை பெற்றிருப்பதற்கு காரணங்களில் டீசல் மாடலின் மைலேஜும் முக்கியமானதாக இருக்கிறது. டீசல் மாடல் லிட்டருக்கு 26.21 கிமீ மைலேஜ் தரும் என அராய் சான்றளித்துள்ளது. இதன்மூலம், இந்தியாவின் அதிக மைலேஜ் தரும் கார் என்ற பெருமையை பெற இருக்கிறது.

வண்ணங்கள்

பியர்ல் ஸ்நோ ஒயிட், பியர்ல் மெட்டாலிக் டிகினிட்டி பிரவுன், பியர்ல் சங்கிரியா ரெட் ஆகிய வண்ணங்களில் வருகிறது. தவிரவும், மெட்டாலிக் சில்க்கி சில்வர், மெட்டாலிக் கிளிஸ்டனிங் கிரே, மிட்நைட் பிளாக் மற்றும் மெட்டாலிக் கிளியர் பீஜ் ஆகிய வண்ணங்களிலும் கிடைக்கும்.

வசதிகள்

ஸ்டார்ட்/ஸ்டாப் பட்டன், கிளைமேட் கன்ட்ரோல், ரியர் ஏசி வென்ட்டுகள், டச்ஸ்கிரீன் இன்போடெயின்மென்ட் சிஸ்டம், புளூடூத் கனெக்ட்டிவிட்டி, டியூவல் ஏர்பேக்ஸ், ஏபிஎஸ் பிரேக்கிங் சிஸ்டம் போன்ற சிறப்பம்சங்களுடன் வர இருக்கிறது.

எதிர்பார்க்கும் விலை

ரூ.7.19 லட்சம் ஆரம்ப விலையில் புதிய மாருதி சியாஸ் விற்பனைக்கு கொண்டு வரப்படும் என எதிர்பார்க்கப்படுகிறது. ஹோண்டா சிட்டி, ஹூண்டாய் வெர்னா கார்களுக்கு நெருக்கடியை தரும்.